Aımaqtar • 09 Shilde, 2020

Nur-Sultanda ınfeksııalyq tósek-oryn sany 4 esege artty

16 ret kórsetildi

Nur-Sultanda pandemııa bastalǵaly ınfeksııalyq tósek-oryn sany 1 myńnan 3 myń 700-ge deıin artty. Osylaısha, stasıonarlar sany 3-ten 13-ke deıin ósti. Sońǵy kúnderi Ulttyq ǵylymı medısınalyq ortalyq bazasynda 240 tósek-orynǵa arnalǵan ınfeksııalyq stasıonardyń jeke blogy ashyldy. № 1 kóp beıindi aýrýhana juqpaly aýrýlar stasıonaryna tolyǵymen qaıta jabdyqtalǵan. "Ramada Plaza" qonaq úıi bazasynda 500 qosymsha tósek-oryn ornalasqan. Qala ákimdigi Memleket basshysynyń tapsyrmasy boıynsha osy baǵytta júıeli jumystar júrgizýde. Bul týraly qala ákimdiginiń resmı saıty habarlady, - dep jazady Egemen.kz

KVI anyqtalǵan júkti áıelder úshin qosymsha perınataldyq ortalyq ashyldy. Sonymen qatar pnevmonııamen aýyratyn naýqastardy emdeýmen aınalysatyn medısınalyq mekemelerdiń sany 1-den 7-ge deıin artty. "Epıdemııalyq ahýal asqynǵan jaǵdaıda biz taǵy 1,5 myń orynǵa rezerv daıyndadyq. Ulttyq kardıohırýrgııa ǵylymı ortalyǵy bazasyndaǵy jataqhana men qonaq úı naýqastardy qabyldaı alady. Sonymen qatar tótenshe jaǵdaı kezine daıyndalǵan qosymsha nysandar bar. Ol úshin arnaıy jabdyqtalǵan 800 medısınalyq tósek satyp alamyz.

Aldaǵy kúnderi qalaǵa 200, 500 flýometrlerden turatyn 50 ókpeni jasandy jeldetý apparaty, 500 ottegi konsentratorlary, kompıýterlik tomograftyń eki jıyntyǵy kelip túsedi. Osy aıda qosymsha 15 О́JJ apparaty alyndy", dedi qala ákimi Altaı Kólginov.

Respýblıkalyq travmatologııa jáne ortopedııa ǴZI, Ulttyq ǵylymı medısınalyq ortalyq, Green Clinic, Bas áskerı klınıkalyq gospıtalda árbir emhanaǵa tirkelgen qala turǵyndary úshin KT zertteýin júrgizý múmkindigi bar. Pnevmanııanyń erte kezeńinde zertteý jasalsa, asqynýǵa jol bermeýge múmkindik beredi.

Sońǵy jańalyqtar

Uqsas jańalyqtar