Aımaqtar • 09 Shilde, 2020

Amandyq Batalovtyń jaǵdaıy aýyr ma?

1025 ret kórsetildi

Koronavırýs juqtyrǵan Almaty oblysynyń ákimi Amandyq Batalov Nur-Sultandaǵy kardıologııalyq ortalyqta emdelip jatyr. Onyń nelikten Almatyda emes, el astanasyna kelgeni týraly týraly densaýlyq saqtaý vıse-mınıstri Ajar Ǵınııat aıtyp berdi, - dep habarlaıdy Egemen.kz

OKQ onlaın brıfınginde jýrnalısterdiń Batalov jaıynda suraǵyna vıse-mınıstr:

"Iá, pasıenttiń jaǵdaıy nasharlaǵan soń Ulttyq ǵylymı kardıohırýrgııalyq ortalyqqa jetkizildi. Búginde bul ortalyq pandemııa kezinde respýblıkalyq ekstrakorporaldi membran oksıgenasııa ıntensıv terapııasy retinde jumys istep jatyr. Bul ádis ókpege jasandy tynys aldyrý apparaty kómektespeı jatqanda qoldanylady. Sondaı-aq bul ortalyq júrek-qan tamyr aýrýlary bar naýqastarda tynys alýy qıyndap, jetkiliksiz bolǵanda qabyldaıdy. Muny komarbıd pasıentter dep ataıdy. Almaty turǵyndaryna qatysty aıtatyn bolsaq. Qazir mundaı 12 ortalyq bar. Almatyda da bar. Mundaı aýyr jaǵdaıdaǵy naýqastar Almaty qalasyna jetkiziledi. Ol jaqta oryn tolyp, bos bolmasa, basqa qaladaǵy ortalyqtarǵa jetkizemiz", - dep jaýap berdi.

Sońǵy jańalyqtar

Uqsas jańalyqtar