Parlament • 09 Shilde, 2020

Bıznestiń áleýmettik jaýapkershiligin de arttyrý mańyzdy

36 ret kórsetildi

Álemde koronavırýs indetiniń taralýy azaımaı tur, tipti kóptegen memlekette qaıta órship ketti. Bul sózimizge Amerıka, Taıaý Shyǵys, Azııa, Avstralııa qurlyqtaryndaǵy jaǵdaılar dálel. Elimizde de ahýal kúrdelene túskeni jasyryn emes.

Sol sebepti Qazaqstan Respýblıkasynyń Prezıdenti Qasym-Jomart Toqaevtyń televızııalyq úndeýi mańyzdy ári qajetti qadam boldy dep esepteımin.

Tájirıbe kórsetip otyrǵandaı, koronavırýspen kúres memleket pen halyqtyń ózara áreketin, qoldaýyn, túsinistigin, bıznestiń áleýmettik jaýapkershiligin talap etip otyr.

Bárimizge málim, elimizde koronavırýs faktileri tirkele bastaǵan tustan memleket tótenshe jaǵdaı rejimin engizip, der kezinde qajetti sharalardy qabyldaı bildi. Sonyń nátıjesinde indettiń taralýyn edáýir báseńdete aldyq. Keshe Prezıdent koronavırýspen aýyrǵandarǵa arnalǵan aýrýhana tósekteriniń 70%-ǵa deıin kóbeıtilip, 43 myńǵa jetkenin aıtty.

Turǵyndarǵa úı jaǵdaıynda medısınalyq qyzmet kórsetý maqsatynda 400 ámbebap mobıldi brıgada jasaqtalǵanyn jetkizdi. Bul baǵyttaǵy jumystar, álbette, báseńdemeýi shart. Biz medısına júıesin uıymdastyrýda ketken qatelikterdi der kezinde túzetýge qabiletti bolýymyz kerek dep esepteımin. Prezıdent osyny eskertti.

Al azamattarymyzdy emosıonaldy jazbalar men deregi joq úreı týǵyzatyn aqparattarǵa senbeýge shakyramyn.

О́ıtkeni úreıli aqparat kúızeliske ushyratyp, ımmýnıtetińizge keri áserin tıgizedi Qazir bir-birimizden kiná izdeıtin kez emes. Álemniń birde-bir eli bul indetpen kúresýdiń ońaı jolyn tapqan joq. О́zińizdiń jáne jaqyndarynyń qaýipsizdigi men densaýlyǵyn saqtap, qarapaıym gıgıena, áleýmettik dıstansııa talaptaryn oryndaıyq. Azamattarymyz osy arqyly indetke qarsy kúrestegi jeńisti qamtamasyz etýge kómektesedi.

Osy tusta bıznestiń áleýmettik jaýapkershiligin de arttyrý mańyzdy bolyp otyr. Sebebi sońǵy ýaqytta azamattarymyz dárihanalarda dárilerdiń joqtyǵyna, bar bolsa da olardyń baǵalarynyń sharyqtap ketkenine shaǵymdanýda. Buǵan qarsy kesh bolsa da qatań sharalar qolǵa alynýda.

Koronavırýs bizdiń birligimizdi synǵa salýda. Bul indetti de az ýaqytta jeńetinimizge kámil senemin.

 

Aıgúl QAPBAROVA,

Parlament Senatynyń depýtaty

Sońǵy jańalyqtar

Uqsas jańalyqtar