Aımaqtar • 09 Shilde, 2020

Batys Qazaqstan indetke qarsy kúreste 2 mlrd 130 mln teńge jumsady

25 ret kórsetildi

Batys Qazaqstan oblysynyń ákimi Ǵalı Esqalıev óńirdegi epıdemıologııalyq ahýal týraly suqbat berip, keıbir oryn alǵan qıyndyqtar úshin halyqtan keshirim surady, dep habarlaıdy Egemen.kz

О́ńirde koronavırýsqa qatysty jaǵdaı kúrdeli kúıinde qalyp otyr. Búgingi tańda 571 adam juqpaly aýrýlar aýrýhanasynda, 369 naýqas provızorlyq aýrýhanada em alýda. Onyń ishinde 473 adamnyń jaǵdaıy ortasha bolsa, 92 adam aýyr halde jatyr.

– Aýrýǵa shaldyqqan adamdar oblys ortalyǵynda jáne barlyq aýdandarda anyqtaldy. Eń kóbi Oral qalasy boıynsha – 2100 adam nemese 61,1%. Bórli aýdanynda – 223 adam, Báıterek aýdanynda - 208 adam jáne Aqjaıyq aýdanynda – 141 adam aýrýǵa shaldyǵyp otyr, – dedi Ǵalı Esqalıev.

Ákimniń aıtýynsha, 1 sáýirde óńirde koronavırýs juqtyrǵan naýqastarǵa 380 kereýet ázirlengen. Biraq ol jetkiliksiz bolǵandyqtan úsh esege jýyq kóbeıtýge májbúr bolǵan. Qazir mundaı kereýet sany 1125-ke jetti.

– Aldyn ala boljam mundaı bolǵan joq. Karantın ashylǵannan keıin bizde pnevmonııamen aýyrǵan adam sany edáýir ósip ketti. Bizdiń oblystaǵy barlyq naýqastyń 82%-y maýsym-shilde aılarynda tirkelip otyr. Shyny kerek, biz buǵan daıyn bolǵan joqpyz. О́ńirdegi provızorlyq aýrýhanalar 100 paıyzǵa jaqyn tolyq. Erteń bizge qosymsha medısınalyq jabdyqtar kelýi kerek. Iаǵnı erteń-búrsigúni biz Oral qalasynda qosymsha 230 tósek-oryn ashamyz, – dedi óńir basshysy.

Dál búgin óńirde ókpeni jasandy jeldetetin 130 apparat bar. Ákimniń pikirinshe bul jetkilikti.

Al ottegi konsentratorlary kerek. Onyń sany ázirge 46 dana eken. Sońǵy kúnderi demeýshilerdiń kómegimen qajetti jabdyq shetelden satyp alynǵan, jaqyn kúnderi jetkizilýi tıis. "Buǵan qosa medıkter Bobrov apparatyn da qoldanyp jatyr. Biz jaqyn kúnderi Oral qalasyndaǵy kásiporyndardyń birinde Bobrov apparatyn ózimiz shyǵara bastaımyz", dedi ákim.

Qazirgi tańdaǵy ótkir máseleniń biri – medısınalyq kadr jetispeýshiligi. Ásirese kishi jáne orta medısınalyq mamandar jetispeýde. "Búgingi tańda indetpen kúreske medısınalyq qyzmetkerlerdiń jalpy sanynyń tek 50%-y ǵana jumyldyrylǵan. Medısınalyq qyzmetkerlerdiń kóbi aýrýǵa shaldyqqan nemese májbúrli demalystarǵa ketken. Osy máseleni sheshý úshin Oral qalasyndaǵy 2 medısınalyq kolledj túlekterin aýrýhanalarda jumys isteýge jedeldetip oqytý jumysy bastaldy. 15 kúnnen soń bizdiń dárigerlerge 200 jýyq jańa medısınalyq qyzmetker kómekke keledi. Sonymen qatar, biz basqa qalalardaǵy joǵary medısınalyq oqý oryndarynyń túlekterin tartýdy josparlap otyrmyz. Sondaı-aq, jeke medısınalyq klınıkalardan 9 dáriger áriptesterine kómektesýge kelisti", deıdi Ǵalı Esqalıev.

Maman jetispeýshiligine jáne pnevmonııanyń ósýine baılanysty óńirde naýqastardy josparly emdeý ýaqytsha toqtatyldy. Osyǵan baılanysty turǵyndar úıde keńes alý jáne emdelý úshin barlyq ambýlatorııalarda mobıldik klınıkalar uıymdastyryldy. Sondaı-aq, barlyq emhanada turǵyndardyń telefon qonyraýlaryn qabyldaıtyn ortalyq jumys isteýde. Emhana telefon nómirleri www.stopcovid.kz saıtynda tur. Oblys turǵyndary 109 nómirine qońyraý shalyp, medısınalyq keńes alýǵa, emhanalardyń jumysy týraly óz usynysy men shaǵymyn aıtýǵa bolady. Aıta keteıik, naýqastarǵa telefonmen aqyl-keńes berý isine zeınet demalysyna shyqqan burynǵy dárigerler kómekke kelipti. "109" nómirindegi operatorlar qajet bolǵan jaǵdaıda naýqasty juqpaly aýrýlar dárigerleri men pýlmonologtarmen qosa alady.

Eger turǵyndar qandaı da bir sebepten úıden shyǵa almasa, eriktiler dári-dármekter men azyq-túlikterdi jetkizýge kómektesedi. Ol úshin de "109" nómirine qońyraý shalý kerek. Aımaqtaǵy koronavırýs týraly barlyq aqparat stopcovid.kz saıtynda tur.

Sońǵy aı ishinde óńirde satylǵan vırýsqa qarsy jáne qyzý túsiretin dári-dármektiń kólemi 5 ese artqan. Qazir quramynda parasetamol bar preparattar, asetılsalısıl qyshqyly, seftrıakson, vırýsqa qarsy preparattar, azıtromısın, askorbın qyshqyly sekildi dárilerdiń qory jasaqtalǵan. Parasetamol, levofloksasın jáne antıkoagýlıanttar tapshyly sezilýde. "О́ńirdegi bar dári-dármek ornymen, ýaqytymen paıdalanylsa, jetkilikti. El Prezıdenti Qasym-Jomart Toqaevtyń tapsyrmasyna sáıkes dárilerdi kóterip satyp alýshylardy, baǵasyn negizsiz ósirýshilerdi anyqtaýǵa kiristik", deıdi óńir basshysy.

Batys Qazaqstan oblysynda sońǵy kezde bir kúnde jedel járdem qyzmetine habarlasatyndar sany 600-den 1100-ge deıin ósip ketken. Osyǵan baılanysty jedel járdem brıgadalarynyń sany kóbeıtildi. Qazir 61 brıgada jumys istep tur, bul ótken jylmen salystyrǵanda 24 kólikke artyq.

"Aldaǵy 2 aı ishinde jedel járdem stansııasyna taǵy 37 kólik satyp alamyz, onyń 20-sy – reanımobıl", dep habarlady Ǵalı Esqalıev .

Búginde Batys Qazaqstan oblysynda koronavırýsty anyqtaý úshin 5 zerthanada kúnine 1200-1400 zertteý testi jasalady. Test qorytyndysyn shyǵarýda kidiris bar, óıtkeni zerthana qyzmetkerleriniń ózi indet juqtyryp alady eken. Sondyqtan bul zerthanalarda dezınfeksııalyq sharalar jıi jasalyp, karantınge de jabylady. Mundaı jaǵdaıdy boldyrmas úshin mamandar testi tek stasıonarlarda jáne naýqastarmen jaqyn qarym-qatynasta bolǵan adamdarǵa jasaýdy usynyp otyr.

Árıne, koronavırýsqa qarsy sharalardyń bári óńirde qurylǵan jedel shtabtyń baqylaýymen jasalyp otyr. Bul iske barlyq quqyq qorǵaý organdary jumyldyrylǵan. Mysaly, ekonomıkalyq qylmystardy tergeý departamenti shekaradan ótkizbek bolǵan kontrabandalyq taýar – 4 mln dana betperdeni tárkilep, densaýlyq saqtaý departamentine tapsyrdy. Arnaıy monıtorıngtik toptar baǵa men sanıtarlyq talaptardyń saqtalýyn únemi tekseredi. Bul iske jekelegen azamattar da úles qosýda.

Batys Qazaqstan oblysynda koronavırýspen kúreske osy kezge deıin respýblıka jáne oblys bıýdjetinen 2 mlrd 130 mln teńge jumsalypty. Sonyń ishinde 835 mln teńge dárigerler úshin jeke qorǵanysh kıimderin satyp alýǵa ketken. "Bul óte kóp qarjy, biraq sonyń ózinde jetkiliksiz", deıdi ákim. О́ıtkeni talap boıynsha ınfeksııalyq aýrýhanada dáriger eki saǵat saıyn qorǵanysh kostıýmyn aýystyryp turýy kerek. Bir kostıýmnyń quny 20-30 myń teńge aralyǵynda turady. Bir táýlik qyzmet etken dáriger osy kostıýmdy 12 márte aýystyryp kııýi kerek. Memlekettik bıýdjetke úlken shyǵyn bolyp otyr.

Sondaı-aq naýryz-mamyr aılarynda 500 mln teńgeden astam qarjy indetke qarsy kúresken dárigerlerdiń jalaqysyna ústemaqy retinde tólengen. Ony 3066 dáriger alǵan. Ústeme alýshylardyń sany maýsym aıynda odan da kóbeıedi.

Koronavırýsqa qarsy kúres shyǵyndary ishinde oblys bıýdjetinen medısınalyq qural-jabdyq alýǵa bólingen 254 mln teńge, dezınfeksııalyq sharalarǵa arnalǵan 119 mln teńge de bar. Medıkterdiń tamaqtanýy, qonaqúıde turýy sekildi shyǵyndar da eseptelgen.

Buǵan qosymsha demeýshilerdiń kómegimen «Aqjaıyq» qory arqyly 130 mln teńgedeı qarajat keldi. Odan bólek eshbir esepke alynbaǵan sponsorlardyń qarajaty da bar eken.

"Búginde álem boıynsha birqatar elderde ahýal turaqtanyp keledi. Olardaǵy jaǵdaı bizdiń óńirdegiden de aýyr bolǵan edi. Biraq, olar ishki tártiptiń arqasynda epıdımıologııalyq ahýaldy jaqsarta aldy. Sheteldik mamandardyń paıymdaýynsha, koronavırýspen kúreste eń tıimdi tásil – kópshilik jerlerge barmaý, toı-tomalaq ótkizbeı ızolıasııada bolý. О́kinishke oraı, bizdiń eldiń azamattary osy pozısııany ustana almaı otyr. Myna asa qaýipti dert tek densaýlyǵymyzdy joıyp qana qoımaıdy. Asyl qazynamyzdan aıyryp, úrim-butaǵymyzǵa qaýip tóndirip tur. Saqtyq sharalaryna salǵyrt qaramaıyq. Koronavırýs beıqamdyqty keshirmeıdi. Men barlyq qıyndyqtardy birge jeńe alatynymyzǵa senimdimin. Jaqynymyzǵa janashyr bolyp, qaýiptiń beti qaıtqansha aman bolaıyq!" dedi óńir turǵyndaryna arnaǵan sózin qorytyndylaǵan Batys Qazaqstan oblysynyń ákimi Ǵalı Esqalıev.

 

Batys Qazaqstan oblysy

Sońǵy jańalyqtar

Uqsas jańalyqtar