Parlament • 09 Shilde, 2020

Júıeli jumystar qolǵa alynýy kerek

44 ret kórsetildi

Prezıdent keshegi televızııalyq úndeýinde koronavırýs indetine qarsy qolǵa alynǵan sharalarǵa jan-jaqty toqtalyp, túsindirdi, halyqqa demeý sózin aıtty.

Q.K. Toqaev sózinde "Memlekettik komıssııanyń sheshimimen 5 shildeden bastap elimizde eki aptalyq merzimge karantın sharalary engizildi. Bul asa qajetti sheshim boldy", dedi.

Tájirıbe kórsetkendeı, karantın indetpen kúrestiń eń tıimdi tásili ekenin tolyq dáleldedi. Sol sebepti indet taraǵan memleketterdiń basym bóligi osy tásilge júgindi jáne olardyń ishinde Qazaqstan da bar.

Qazirgi tańda densaýlyq saqtaý júıesiniń indetpen kúreste keıbir qatelikterge boı aldyrǵany anyqtalyp otyr. Ásirese, jedel járdem shaqyrtýdyń qıyndyǵy, syrqattardy aýrýhanalarǵa jatqyzýdyń óte qıyn proseske aınalýy, dári-dármekterdiń, qorǵaný quraldarynyń tapshylyǵy halyqty qatty kúızeltýde. Aqparattyq jumystardyń, ásirese medısına mamandarynyń keń kólemde aqparattyq keńistikke shyǵýy qamtamasyz etilmegenin kóre alamyz. Osy baǵytta júıeli jumystar qolǵa alynýy kerek dep sanaımyn. Bul týraly Prezıdentimiz de aıtyp ótti. Degenmen, bizdiń dárigerlerimiz indetpen kúreste bar bilimi men biliktiligin paıdalanyp, jan aıamaı eńbek etip jatyr, sol úshin biz olarǵa sheksiz alǵys aıtamyz. 

Medısına jumysyn uıymdastyrýda óńirlerge, ásirese aýyldyq jerlerge nazar aýdarylýy asa mańyzdy. Memleket basshysy halyqty testileý sharalaryn arttyrý maqsatynda qosymsha 20 PTR-analızator satyp alynyp jatqanyn jáne aýyldyq eldimekenderdi qosa alǵanda PTR testileý úshin 8 mobıldi ortalyq qurylyp jatqanyn aıtty. Qazirgi tańda halqymyzdyń 40%-dan astamy aýyldyq jerlerde turady, sondyqtan bul mańyzdy qadam dep esepteımin.

Sonymen qatar túrli jeliler arqyly kóptegen jalǵan aqparattardyń taralýy toqtamaı tur. Buǵan "ınfodemııa" degen ataý da berip úlgerdik. Bul indetpen kúreste qosymsha kedergiler týyndatyp otyr. Sondyqtan halqymyzdy tek resmı aqparatqa senip, sabyrly bolýǵa shaqyrǵym keledi.

 

Dınar NО́KETAEVA,

Parlament Senatynyń depýtaty

Sońǵy jańalyqtar

Uqsas jańalyqtar