О́zbekter - áýel bastan oıynpaz, qaljyńbas, saýyqqoı halyq. Olardyń halyq aldyna shyǵyp óner kórsetetin darshylary men masqarobozdary keshegi keńestik kezeńnen de kóp buryn paıda bolǵan. Olarda Orta Azııa halyqtarynyń basqa ókilderine qaraǵanda, jurtqa tamasha qoıyp, oıyn-saýyq kórsetetin teatrlar men kórkemónerpazdar ujymdary da áldeqaıda buryn shyqqan. О́zbekter dar quryp, kerneı tartyp, kepshik qaǵyp, toı men merekeniń saltanatyn asqaqtatýda eshkimdi aldyna salmaǵan.
Qazirgi О́zbekstanda da kásibı deńgeıleri óte joǵary birneshe oıyn-saýyq teatry bar. Tamashalarda áskııa aıtyp, jurtty kúldirýge jaqsy mashyqtanǵan ózbek oıyn-saýyq otaýlarynyń ártisteri arasynda kásibıliktiń bir bıigi – monolog oqýǵa sheber óner juldyzdary az emes. Solardyń biri – «Mırzo teatrynyń» qurylyp, jumys jasaı bastaǵanyna jıyrma jyldan asyp ketipti. Onyń jetekshisi Mırzobek Holmedov 1961 jyly 13 jeltoqsanda týǵan. О́zbekstannyń eńbek sińirgen óner qaıratkeri. О́zbek estradasynyń masqarabozy, satırık, akter. Ol akter retinde de birneshe fılmge túsip qoıǵan. Olardyń arasynda «Alıf-Leıla» (1992, О́zbekstan-Úndistan), «Dostar» (2005, О́zbekstan), «Dostar-2» (2008, О́zbekstan), «Bekorchılar» (2010, «Aramtamaqtar», Reseı-О́zbekstan) sekildi kartınalar bar.
Biz endi «Mırzo teatrynyń» bıylǵy jylǵy bir konsertin nazarlaryńyzǵa usynamyz. Tamasha, álbette, ózbek tilinde júredi. Biraq oǵan yqylas qoıyp, tyńdaǵan adam áńgimeniń ne týraly bolyp otyrǵanyn uǵyna alady. Eń bastysy, bularda ózbek tamashashylarynyń kásibı deńgeıi joǵary ekenin anyq baıqaýǵa bolady. Bir jaǵy, óz syqaq teatrlarymyzdyń ónerlerimen salystyryp ta qaraýǵa múmkindik bar.
Sonymen, iske sát!
{youtube}fZ8wmJQjUlw{/youtube}
