Aımaqtar • 09 Shilde, 2020

Qaıyrymdylyǵyńnyń saýabyn bersin...

81 ret kórsetildi

Soltústik Qazaqstan oblysynda uzaq jyldardan beri astyq ósirip, aýylsharýashylyǵy ónimderin shyǵarýmen aınalysatyn iri kásipkerlerdiń biri, "Noǵaıbaı" JShS bas dırektory Altynbek Saparov oblystyq aýrýhanaǵa jaman indetke qarsy kúreske kómek retinde óz qarajatynan 2,5 mln teńge syılady, dep jazady Egemen.kz

Bul ázirge oblystaǵy eń úlken qaıyrymdylyq kómek. Árıne, oblysta A.Saparovtyń deńgeıindegi iri kásipkerler barshylyq, biraq olardyń tarapynan ázirge kómek qoly sozylǵan joq.  Altynbek Saparov buǵan deıin de mesenattyq ister jasap keledi. Atasy Noǵaıbaı bıden boıyna bitken tektilik ony qaraý baı emes, jan-dúnıesi de baı, jomart júrekti jan qylǵany sezilip turady. Qazirgi, "boıyna túk bitken saıyn qaltyraıtyn" tyshqan tirlikti kúıtteıtin baılardaı emes, ol qaramaǵyndaǵy jumyskerlerine de úlken kómek kórsetýde. Eńbekaqylarynan basqa azyq-túlik, maldaryna jem-azyqty tegin berip otyrady.

Ol Nur Otan partııasynan saılanǵan oblystyq máslıhattyń depýtaty. Halyq qalaýlysy retindegi mindetin de adal atqaryp, ózine qaırylǵan saılaýshylaryna kómegin berip júredi. "Osyndaı qıyn zamanda biz jerlesterimizdi qoldaý úshin qoldan kelgen kómegimizdi jasaýymyz kerek. Men ózim juqpaly derttiń janynda júrip, alysqan medısına qyzmetkerlerine óte tántimin. Sondyqtan, ásirese osyndaı azamattarymyzǵa qoldaý bildirýimiz kerek qoı dep oıladym", deıdi Altynbek Saparov.

Oblystyq aýrýhana basshylarynyń aıtýyna qaraǵanda bıznesmen kómek retinde bergen qarajat COVID-19 naýqasyna ushyraǵandarǵa dári-dármekter alýǵa, jáne naýqastarmen tikeleı aralasyp, emdep júrgen medısına qyzmetkerlerine syıaqy berýge jáne yntalandyrýǵa jumsalatyn bolady. Osy aýrýhana maýsym aıynan beri terapevtik korpýsy koronavırýspen jáne pnevmonııamen aýyratyn naýqastardy anyqtaý jáne emdeý úshin provızorlyq stasıonarǵa aınaldyrǵan bolatyn. Oǵan deıin tek Birinshi qalalyq aýrýhana ǵana ınfeksııaǵa jabdyqtalǵan bolsa, maýsymnan beri ol naýqastardy tolyq qamtýǵa qýaty jetpeı qaldy.

Soltústik Qazaqstan oblysynda qazir koronavırýstyq ınfeksııany juqtyrýdyń 1400-den astam jaǵdaıy tirkeldi. О́ńirdiń ınfeksııalyq jáne provızorlyq stasıonarlarynda 800-den astam tósek bar.

 

Soltústik Qazaqstan oblysy

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Uqsas jańalyqtar