Parlament • 09 Shilde, 2020

Elimizdiń ár azamatyna jaýapkershilik júktelip otyr

38 ret kórsetildi

Indetpen kúresý úshin memleket tarapynan alǵashqy kezeńde-aq tıisti sharalar qabyldanǵany belgili. Sol arqyly aýrýdyń dereý asqynyp ketýine jol bergen joqpyz. Biraq jaýapty organdardyń jumysty uıymdastyrýda olqylyqtarǵa boı aldyrǵanyn moıyndaýymyz kerek.

Memleket basshysy bul máseleniń jaýapsyz qalmaıtynyna kóńil bólip, densaýlyq saqtaý júıesi men ákimderdiń jumysyna tıisti baǵa beriletinin qadap aıtty.

Sonymen qatar óz Úndeýinde Prezıdentimiz memlekettik organdarǵa, jergilikti ákimderge taǵy da naqty tapsyrmalar berdi. Endi alǵashqy kezeńdegi qatelikter qaıtalanbaıdy dep senemin. Ásirese, dári-dármekpen qamtamasyz etý, aýrýhanalardaǵy oryn sanyn arttyrý sııaqty ózekti máseleler boıynsha júıeli jumys júrgizý qajet.

Memleket azamattardy aýrýmen betpe bet qaldyrmaıdy. Sol sebepti, barlyq sharalardy qabyldap, jumysty jalǵastyra beredi. Biraq, munyń bári tarazynyń bir basy ǵana. Al ekinshi jaǵynda halyq tur. Sol úshin biz tarazynyń eki basy teń bolýyna basa mán berýimiz kerek. Eger azamattar saqtyq sharalaryn saqtamasa memleket qolǵa alǵan jumystardyń nátıjesiz bolýy ábden múmkin.

Qazir elimizdiń ár azamatyna úlken jaýapkershilik júktelip otyr. COVID-19 indetin eńserip shyǵýymyz, eń aldymen, bizdiń yntymaǵymyzǵa baılanysty dep oılaımyn. Memleket basshysy da óziniń Úndeýinde «bálkim bul bizdiń birligimizdi baıqaý úshin berilgen synaq shyǵar» dedi. Sondyqtan biz dál qazir baıbalamǵa salynbaı, úreıden arylyp, bekem birlik tanytyp, irgeli el ekenimizdi kórsetýimiz kerek.

Taǵy bir aıta keter jaıt, búginde keıbir azamattar kez kelgen aqparatqa, dáıeksiz, dálelsiz málimetterge sene beretin boldy. Bul ahýaldyń odan ári ýshyǵýyna sebep bolyp otyr. Memleket basshysy bul máselege de nazar aýdaryp, halyqty adastyrǵan adamdardyń jaýapsyz qalmaıtynyn aıtty.

Árıne, qazirgi jaǵdaı eshkimge ońaı tıim jatqan joq. Alaıda, talaı náýbetten aman qalǵan elmiz ǵoı. Sondyqtan barsha halyqty bul joly da eldigimizge syzat túsirmeı, judyryqtaı jumylyp áreket etýge shaqyramyn.

 

Ǵumar DÚISEMBAEV,

Parlament Senatynyń depýtaty

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Uqsas jańalyqtar