Koronavırýs • 09 Shilde, 2020

Densaýlyq saqtaý mınıstrligi 200 mıllıon teńgeni belgisiz maqsatta jumsaǵan

1323 ret kórsetildi

Densaýlyq saqtaý mınıstrligi PR  jáne beınerolıkter úshin 600 mıllıon teńge bólgen. Bul týraly Respýblıkalyq arnaıy monıtorıng tobynyń jetekshisi Aıgúl Soloveva onlaın brıfıngte málimdedi, - dep jazady Egemen.kz.

Densaýlyq saqtaý mınıstrliginiń burynǵy basshylyǵy tusynda bolǵan bul jaǵdaıǵa baılanysty Soloveva jemqorlyqqa qarsy qyzmettegi brıfıngte bylaı dep jaýap berdi: 

"Keshe Prezıdent koronavırýspen kúreske 191 mıllıard teńge bólingenin aıtty. Biraq oǵan deıin bizge 400 mıllıon dollardaı bólingen bolatyn. Bizdiń saraptamalyq top bul aqshanyń qalaı jumsalǵanyn, qandaı is-sharalarǵa jumsalǵanyn qarastyryp jatyr. Mende bar aqparat boıynsha, pıar-kompanııalarǵa, rolıkterge 600 mıllıon teńge bólindi. Al shyn máninde ol aqshaǵa elimizge qajet biraz rerýrs alýǵa bolar edi "

Onyń aıtýynsha, shamamen 200 mıllıon belgisiz maqsatta jumsalǵan. Atalmysh top qazir taldaý júrgizip jatyr.

Sondaı-aq, monıtorıng tobynyń jetekshisi aqshany bıýdjetke qaıtarý qıyn bolatynyn aıtyp otyr. "Sebebi ol aqsha tender arqyly bireýge berilip qoıdy ǵoı, ıaǵnı tender utqan kompanııaǵa", - dedi ol.

Eske salaıyq, jarnama jáne PR úshin ǵana 600 mıllıon teńge bólgen atalmysh mınıstrlik karantın bastalǵaly dárihanalarda maska, antıseptık sııaqty saqtaný quraldarynyń jetkizilýin retteı almaǵan. Al odan keıin bul jaǵdaı dári-dármekke baılanysty ýshyǵyp edi. Aýrýhanalarda oryn jetispeýshiligi de jasyryn emes. Áli de eldegi jaǵdaı osy turǵyda tolyq turaqtala qoıǵan joq. 

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar