Aımaqtar • 09 Shilde, 2020

Mobıldik toptar jumysy júıeli

21 ret kórsetildi

Epıdemııalyq ahýaldyń kúrdelenýine baılanysty Qyzylorda qalasynda "Jedel járdem" qyzmetinen bólek mobıldik toptar jumys isteıdi. Bul bastama emhana jumysyn edáýir jeńildetip, dárigerlik kómektiń tıimdilign arttyryp otyr, dep habarlaıdy Egemen.kz

№ 6 qalalyq emhana 65 214 turǵynǵa qyzmet kórsetedi. Medısınalyq nysanǵa qarasty aýmaq aımaqtarǵa bólinip, naýryz aıynan bastap 4 mobıldi top bekitilgen. Al emhanada arnaıy qurylǵan Call ortalyqta 4 operator shaqyrtýlardy qabyldap, jaýapty mobıldik top dárigerine naýqastyń meken-jaıy men jaǵdaıyn habarlaıdy. Dál qazirgi ýaqytta Call ortalyqqa kúnine 200-220 shaqyrtý túsip, ár dáriger kem degende 50-den astam pasıentke kómek kórsetedi.

"Shaqyrtýlardyń 90 prosenti salqyn tııý, dene qyzýynyń kóterilýi, qurǵaq jótelge baılanysty bolyp otyr. Dárigerler pasıenttiń úıine barysymen dene qyzýyn ólshep, tamaǵyn qarap, ókpesin tyńdaıdy. Eger naýqastyń jaǵdaıy aýyr bolsa, kezekshi aýrýhanaǵa tasymaldaıdy. Arnaıy monıtorıng barysynda pasıentterdiń 70 prosentine JRVI, 20 prosentine pnevmonııa dıagnozy qoıylatyny anyqtaldy. Aıta ketý kerek, pnevmonııamen aýyrǵan syrqattarǵa dári-dármek tegin berilýde jáne naýqastar úı jaǵdaıyndaǵy kúndizgi stasıonarda emdelýde. Dári-dármek jetkilikti", – dedi bas dárigerdiń emdeý isi jónindegi orynbasary Nurgúl Jalǵasbaeva.

 

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar