Aımaqtar • 09 Shilde, 2020

Qostanaı oblysynda qosymsha dári-dármek qory jasaqtaldy

44 ret kórsetildi

Qostanaı oblysynda búginge deıin koronovırýs juqtyrǵan 1314 adam anyqtalyp otyr. Kúrdeli ahýalǵa qaramastan, qaýipti indetten 375 naýqas aıyǵyp shyqqan.  О́kinishke qaraı, alty adam kóz jumdy. Bul týraly aımaqtaǵy koronovırýs ınfeksııasyna qatysty jaǵdaı boıynsha ótken onlaın-brıfıngte oblys ákimi Arhımed Muhambetov málim etti, dep habarlaıdy Egemen.kz

Aımaq basshysy indetke qarsy kúrestiń aldyńǵy shebinde júrgen medısına qyzmetkerleriniń koronavırýs juqtyryp alyp jatqanyna alańdaýshylyq bildirdi. Sońǵy derek boıynsha, oblysta 26 dáriger, 55 orta jáne kishi býyn medısına qyzmetkeriniń indet tyrnaǵyna ilikkeni belgili bolyp otyr. Olardyń jeteýi koronovırýsqa qarsy is-sharalarǵa qatysqan.

Oblysta COVID-19 vırýsyn anyqtaıtyn 5 zerthana jumys isteýde. Búginde «Ulttyq saraptama ortalyǵy» fılıalynda 3 zerthana jáne «Olımp» klınıkalyq-dıagnostıkalyq zerthanasy úzdiksiz jumys isteýde. 1 zerthana 29 mln teńge demeýshi  qarajatynyń esebinen satylyp alynǵanyn aıta ketken jón. Búginge deıin jalpy sany 46 myńǵa jýyq zertteý jumystaryn júrgizgen bul zerthanalarda táýligine 2 myńǵa deıin taldaý jasalady.  

Indetke qarsy júzege asyrylyp jatqan keshendi is-sharalar barysynda aımaqtaǵy emdeý mekemelerinde naýqastarǵa arnalǵan 1668 tósek-oryn qoıyldy. Onyń 584-i koronovırýs indeti naqty anyqtalǵan naýqastarǵa arnalǵan. Bul tósek-oryndarda qazir 260 adam jatyr, qalǵany bos tur. Sondaı-aq, indet belgileri bar adamdardy oqshaýlaý úshin 1084 provızorlyq tósek-oryn qoıylǵan. Búginnen bastap Qostanaıda jekeniń menshigindegi burynǵy temir jol aýrýhanasy 250 oryndyq provızorlyq stasıonar qyzmetine kóship, jekemenshik emdeý mekemeleriniń dárigerleri jańa provızorlyq stasıonarǵa jumysqa tartyldy. Munyń syrtynda, aımaqta koronovırýs anyqtalǵan naýqastarmen baılanysta bolǵan adamdar úshin 513 karantındik tósek-oryn bar.    

«Oblys dárigerleri jeke qorǵanysh quraldarymen, qurylǵylarmen, sondaı-aq indetti emdeýge arnalǵan dári-dármekpen jetkilikti túrde qamtyldy. Taıaýda ǵana  tósek janyna qoıylatyn 60 monıtor, 40 jasandy demaldyrý qurylǵysy, 20 larıngoskop, 20 defıbrıllıator, 5 vıdeobronhoskop, qan quramyndaǵy gaz mólsherin anyqtaıtyn 3 taldaý qurylǵysy, 170 kontaktisiz termometr, 11 myń qorǵanysh kombınezony, 3,5 myń qorǵanysh kózildirigi, 800 dezınfeksııalyq qural, dárigerler taǵatyn 10 myń medısınalyq betperde satylyp alyndy», dedi Arhımed Muhambetov.

Indetke qarsy kúreske qyrýar qarjy jumsalyp jatqanyn atap ótken aımaq basshysy aýyldyq aýrýhanalar úshin 80 sanıtarlyq avtokólik satylyp alynǵanyn aıtty. Búginde oblysta aýyr naýqasty jasandy túrde demaldyratyn 210 qurylǵy bar. Mundaı apparat ár aýdannyń ortalyq aýrýhanasynda kemi ekeýden qoıylǵan.  Shilde aıynyń ekinshi jartysynda taǵy 47 qurylǵy ákelinbek.

Bul kúnde óńirdegi 5 memlekettik, 3 jekemenshik emdeý mekemesinde jalpy sany 8 kompıýterlik tomografııa qurylǵysy jumys istep tur. Bul apparattyń kómegimen 500-den astam naýqas tekserýden ótken.   Biraq bunyń jetkiliksiz ekenin tilge tıek etken oblys ákimi  aldaǵy ýaqytta qosymsha KT-lar men jasandy búırek jáne ózge de qajetti qurylǵylar satylyp alynady dedi. 

Oblysta medısınalyq mekemelerdi dári-dármekpen qamtamasyz etý máselesi qatań baqylaýǵa alyndy. A.Muhambetovtyń aıtýynsha, aımaqta indetke qarsy emdeý sharalaryn júzege asyratyn hattamada usynylǵan dári-dármek qory jetkilikti.  «Qazirgi kúrdeli ahýalǵa baılanysty dári-dármek pen medısınalyq buıymdardyń qosymsha qoryn qalyptastyrý boıynsha jumys júrip jatyr. Jyl basynan beri medısınalyq uıymdarǵa 23 túrli 700 myńnan astam antıbıotık jetkizildi. Qazir emdeý mekemelerinde  indetke qarsy qoldanylatyn 4 myń Lopınavır/Rıtonavırv preparaty bar», degen oblys ákimi dárihanalardaǵy jaǵdaıǵa da toqtalyp ótti.

«Qostanaı oblysynda farmasevtıka qyzmetimen aınalysatyn 618 nysan, 281 dárihana jumys isteıdi.   6-shildede taýarlar jáne kórsetiletin qyzmetterdiń sapasy men qaýipsizdigin baqylaý departamentimen, kóterme saýda fırmalarymen, iri dárihana jelilerimen memorandým jasalyp, oblys turǵyndaryn jedel túrde dári-dármekpen qamtamasyz etý sharalary qolǵa alyndy. Qazir 120 iri dárihanaǵa oblystyń barlyq óńirin  áleýmettik mańyzy bar dári-dármektiń 42 túrimen qamtamasyz etý júkteldi. El ishindegi alypsatarlyqqa jol bermeý úshin bul dáriler bir qolǵa sanaýly mólsherde ǵana satylatyn bolady», dedi ákim.

Aımaqta 527 medısına qyzmetkeri, onyń ishinde 117 dáriger men 204 orta jáne 206 kishi medbıke koronovırýs ınfeksııasyna qarsy kúrestiń aldyńǵy shebinde júr. El basyna kún týǵan shaqta jankeshtilik tanytyp, aılap aýrýhanadan shyqpaı indetpen arpalysyp jatqan dárigerlerge memleket tarapynan kórsetilip jatqan  materıaldyq-moraldyq qoldaý  da qomaqty. Oblys ákiminiń aıtýynsha, naýryz ben mamyr aıynda indetke qarsy emdeý sharalaryn júrgizgen 3483 medısına qyzmetkerine jalpy kólemi 615,7 mln teńge ótemaqy tólengen.  Maýsymnyń ótemaqysy taıaý kúnderi ár dárigerdiń jeke esepshotyna aýdarylady.

Oblys aýmaǵyndaǵy sanıtarlyq-dezınfeksııalyq rejimniń saqtalýyn ákimdikter men «Atameken» UKP-nyń, taýarlar jáne kórsetiletin qyzmetterdiń sapasy men qaýipsizdigin baqylaý organdarynyń ókilderinen, sondaı-aq jergilikti polısııa qyzmetkerlerinen qurylǵan  40 monıtorıngtik top baqylaýda. Arnaıy top búginge deıin 4 myńnan astam reıd júrgizip, jalpy sany 1670 shaǵyn azyq-túlik dúkenderi men iri saýda ortalyqtaryn teksergen. Karantın kezinde monıtorıngtik top júrgizgen tekserý sharalarynyń nátıjesinde  342 tártip buzýshylyq anyqtalyp, 20 bıznes nysannyń qyzmeti toqtatyldy. Sondaı-aq 125 ákimshilik hattama toltyrylyp, sotqa jiberildi. 

Indetke qarsy kúrestiń eń tıimdisi – shekteý talaptaryn qatań saqtaý ekendigin qadap aıtqan ákim oblys turǵyndaryna: «Eń bastysy, sizderdi búgin taǵy da jeke qaýipsizdikti saqtaýǵa shaqyramyn. Qazir ýaqytsha oqshaý tirshilikke beıimdelý asa mańyzdy. Túrli otbasylyq, ujymdyq sharalardan úzildi-kesildi bas tartyńyzdar. Qoǵamdyq oryndarda áleýmettik araqashyqtyqty saqtańyzdar. Biz judyryqtaı jumylyp, birige kúreskende ǵana jappaı etek alyp bara jatqan alapat indetti eńsere alamyz. О́zderińizdi saqtap, aınaladaǵy jaqyndaryńyzǵa qamqor bolyńyzdar", dedi.  

 

Qostanaı oblysy

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Indetten jazylǵandar sany 73 702-ge jetti

Koronavırýs • Búgin, 09:25

108 bala stasıonarda em qabyldap jatyr

Koronavırýs • Búgin, 09:20

Bir aptada koronavırýstan 211 adam kóz jumdy

Koronavırýs • Búgin, 09:15

Týrnırge qatysýdan bas tartýda

Tennıs • Búgin, 08:18

Uqsas jańalyqtar