Aımaqtar • 09 Shilde, 2020

Dárihanalarǵa apta saıyn dári-dármek jetkiziledi

10 ret kórsetildi

Nur-Sultan ákimdiginde COVID-19-ben kúresý úshin qajetti dári-dármektermen qamtamasyz etý, balama dárilerdiń tizimin keńeıtý, dárihanalarǵa dári-dármekterdi taratý máseleleri talqylandy. Elorda ákimi Altaı Kólginov dárihana jelileriniń dıstrıbıýtorlarymen, farmasevtıkalyq kompanııalar men dárihanalardyń ókilderimen onlaın-kezdesý ótkizdi. Nur-Sultan ákimdigi Densaýlyq saqtaý mınıstrligimen birlesip, elge dári-dármekterdi satyp alý jáne ákelý prosedýralaryn jeńildetý, logıstıka máselelerine qoldaý kórsetedi. Bul týraly qala ákimdiginiń resmı saıty habarlady, - dep jazady Egemen.kz

"Biz memlekettik organdarmen birge dári-dármek qoryn tolyqtyrý boıynsha úlken jumystar júrgizýdemiz. Birinshiden, satyp alý jáne ákelý rásimderi jeńildetildi. Bıýrokratııalyq máseleler sheshildi. Biz logıstıka máseleleri boıynsha qoldaý kórsetýdemiz. Ekinshiden, tıisti organdar Memleket basshysynyń tapsyrmasymen alypsatarlyqty jáne baǵany zańsyz kótergenderdi anyqtaý boıynsha jumys júrgizýde. Qazirdiń ózinde 8 adam sot sheshimin kútýde. Birneshe qaptamany satyp alyp, alyp-satarlyq jasamaý úshin dári-dármekterdi jan basyna taratý shekteldi – olar emdeý barysynda qajet mólsherde ǵana beriledi. Biz naryqtyń adal ókilderine kómektesemiz, endi siz ózińizdiń áleýmettik jaýapkershiligińizdi kórsetýińiz kerek. Dári-dármekterdiń baǵasyn kóterýge, alypsatarlyq jasaýǵa bolmaıdy. Sonymen qatar dári-dármekterdiń analogtaryn, balama túrlerin satyp alý qajet. Biz bul baǵyttaǵy jumystardy júıeli túrde jalǵastyra beremiz", – dedi elorda ákimi Altaı Kólginov.

Farmasevtıkalyq qyzmet ókiliniń aıtýynsha, 10 kúnniń ishinde elge 2 mıllıonǵa jýyq parasetamol jetkiziledi, "biz barlyq aımaqtarǵa birkelki taratamyz. Dárihanalarda kóptegen dári-dármekterdiń analogtary bar, biz olardy qosymsha satyp alamyz. Mysaly, parasetamoldy ıbýprofenmen almastyrýǵa bolady. Biz vırýsqa qarsy jáne dene qyzýyn tómendetetin dárilerdi az mólsherde turaqty negizde jetkizip otyramyz. Logıstıka máseleleri sheshilgen kezde "Ińkár" JShS aptasyna eki ret dárihanalar qoryn tolyqtyrady. Basqa farmasevtıkalyq kompanııalar da dári-dármekterdi jetkizý kólemin arttyrady".

Sońǵy jańalyqtar

Uqsas jańalyqtar