Medısına • 09 Shilde, 2020

Medısına qyzmetkerleri dári-dármekterdi zańsyz satqan

23 ret kórsetildi

Memleket basshysynyń tapsyrmasy boıynsha 5 shildeden bastap polısııanyń keshendi kúshteri dári-dármekterdiń jasandy tapshylyǵyna qatysy bar adamdardy anyqtaý jáne ustaý jáne olardy joǵary baǵamen zańsyz satý boıynsha is-sharalar júrgizip jatyr. Bul týraly  Polisia.kz-ke silteme jasaı otyryp Egemen.kz habarlaıdy.

Úsh kún ishinde polısııa qyzmetkerleri jeke tulǵalar tarapynan alypsatarlyq áreketterdiń kóptegen faktilerin anyqtady. 

Budan basqa, quqyqqa qarsy qyzmette jeke klınıkalar men dárihanalardyń paıdakúnem qyzmetkerleri qolǵa tústi. 

5-7 shilde aralyǵynda polısııaǵa 64 adam jetkizildi.

– Statıstıka qandaı jaǵymsyz bolǵanmen, biraq dári-dármekterdi zańsyz satýdyń árbir tórtinshi jaǵdaıyna jeke medısınalyq jáne farmasevtıkalyq uıymdardyń qyzmetkerleriniń qatysy bar. Azamattar tarapynan berilgen senimdi paıdalana otyryp jáne dárilik zattarǵa qol jetkize otyryp, olar dárilerdi óz betinshe jáne deldaldar arqyly joǵary baǵamen satty. Mundaı paıdakúnem qyzmetkerlerdiń is – áreketine baılanysty azamattarǵa eleýli materıaldyq zalal keltirilgen, – dep habarlady Ishki ister mınıstri Erlan Turǵymbaev. 

Sonymen, Nur-Sultan qalasynda jeke menshik farmasevtıkalyq kompanııalardyń biriniń qyzmetkeri ustaldy, aqyrǵydan jalpy somasy 480 myń teńgege 500-ge jýyq vırýsqa qarsy dári-dármekter tárkilendi. 

Almaty qalasynda "Anaferon", "Groprınasın" jáne "Ingavırın" vırýsqa qarsy dárilik zattarmen medısına salasynyń taǵy bir qyzmetker áıeli ustalyndy, onda sondaı-aq buryn osyndaı dári-dármekterdi satýdan túsken 717 myń teńge somasynda aqshalaı qarajat boldy. Saýalnama barysynda áıel qalanyń dárihanalarynda asa joǵary baǵamen qaıta satý jáne materıaldyq paıda alý maqsatynda tapshy dári-dármekterdi aldyn ala satyp alǵandyǵyn túsindirdi. 

Almaty qalasynyń taǵy bir turǵyny qalanyń jeke dárihanalarynyń biriniń provızory bola tura jáne dári-dármekterge qol jetkize otyryp, olardy emdeýdi qajet etetin naýqastarǵa joǵary baǵamen zańsyz satqan. Tekserý kezinde áıelde "Ingavırınniń" 25 oramy men 264 myń teńge somasyndaǵy aqshasy boldy. 

Shymkent qalasynda farmasevt úıinde dári-dármekterdi joǵary baǵamen satý boıynsha zańsyz bıznes ashty. Tekserý barysynda odan jedel respıratorlyq aýrýlardy emdeýge arnalǵan 229 túrli dári-dármektiń 15,5 myńnan astam qaptamasy alyndy. Bul rette, alynǵan dárilik zattar antısanıtarlyq jaǵdaıda, tońazytqysh kameralarsyz saqtalǵan. Farmasevtiń medısınalyq preparattardy satýǵa lısenzııasy bolǵan joq. Dári-dármekterdi satýda áleýmettik jeliler arqyly joǵary baǵamen dári-dármekterdi satýmen aınalysqan Shymkent qalasynyń turǵyny taǵy bir áıel ustaldy. Jedel satyp alý barysynda odan "Levoflaksısın" preparatynyń 17 qaptamasy alyndy. 

Qaraǵandy qalasynda Instagram áleýmettik jelisi arqyly "Sef-3 preparatyn satqan Shahtınsk qalasynyń jeke medısınalyq mekemesiniń qyzmetkeri ustaldy. 

Túrkistan qalasynyń aýmaǵynda polısııa qyzmetkerleri "Sef-3" dárilik zatyn satý kezinde, 336 oramdy jalpy somasy 405 000 teńgege qaladaǵy dárihanalardyń biriniń provızoryn quryqtady. Antıbıotıkter men vırýsqa qarsy preparattardy farmasevtermen satý faktileri Túrkistan oblysynyń Ordabasy jáne Sozaq aýdandarynda da anyqtaldy. 

Budan basqa, medısınalyq qyzmet salasy qyzmetkerleriniń qatysýymen dári-dármekterdi zańsyz satýdyń bir faktisi boıynsha Oral, Atyraý jáne Petropavl qalalarynda anyqtaldy. 

Atap aıtqanda, Atyraý qalasynda Qazaqstanǵa Reseı Federasııasynan jalpy somasy 2,7 mln teńgege 5 myńnan astam dári-dármek býmasyn ákelgen jeke kosmetologııalyq klınıkalardyń biriniń meńgerýshisi ustaldy jáne osyndaı qyzmet túrimen aınalysýǵa lısenzııasy bolmasa da, olardy satýǵa tyrysty. 

Úsh kún ishinde polısııa qyzmetkerleri zańsyz aınalymnan 31,5 myńnan astam dári-dármek pen 68 myńnan astam túrli qorǵanysh medısınalyq quraldar men prıborlardy tárkiledi. 

IIM basshysy barlyq alynǵan dárilik zattar sapany baqylaý jáne qaýipsizdik komıtetine tapsyrylatynyn habarlady. 

– Polısııa tekserýlerdi ári qaraı jalǵastyrady jáne adamnyń ómirin saqtap qalýǵa qajetti dári-dármekterdi zańsyz satý faktilerine jol bermeıdi. Dári-dármekterdi zańsyz jáne joǵary baǵamen satqandarǵa tap bolǵan azamattar dereý polısııaǵa habarlasyńyzdar, – dep qorytyndylady mınıstr Erlan Turǵymbaev.

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Alash balasyna ardaqty kún

Abaı • Búgin, 06:42

Tulǵa týǵan topyraq

Qoǵam • Búgin, 06:39

Qazaqtyń rýhanı qubylasy

Abaı • Búgin, 06:34

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Qyzylordada ınternet-alaıaq quryqtaldy

Tehnologııa • 08 Tamyz, 2020

Uqsas jańalyqtar