Úkimet • 09 Shilde, 2020

COVID-19 boıynsha jedel shtab óńirlerdegi jaǵdaıdy baqylaıdy

17 ret kórsetildi

QR Premer-Mınıstriniń orynbasary E.Toǵjanovtyń tóraǵalyǵymen ótken COVID-19 máseleleri jónindegi jedel shtabtyń otyrysynda eldegi shuǵyl sheshimdi talap etetin mynadaı jedel máseleler qaraldy, - dep habarlaıdy Egemen.kz

1)  óńirlerge dárilik zattardy jedel jetkizý úshin qajetti normatıvtik-quqyqtyq bazany qabyldaý;

2)  qosymsha 1600 О́JJ apparatyn, jedel medısınalyq járdem qyzmetiniń 800 sanıtarııalyq avtomashınasyn, sondaı-aq  anaǵurlym suranysqa ıe dárilik preparattardy (parasetamol, azıtromısın, seftrıakson, oseltamıvır jáne basqalar) satyp alý, olardy aǵymdaǵy aptanyń sońyna deıin jetkizý kútiledi.

3)  koronavırýspen kúreske tartylǵan medısına qyzmetkerlerine ústemeaqy tóleýdi jalǵastyrý.

Sondaı-aq Jedel shtabta Atyraý, Mańǵystaý, Batys Qazaqstan, Qaraǵandy oblystary men Nur-Sultan qalasyndaǵy sanıtarııalyq-epıdemıologııalyq jaǵdaı jeke tártippen qaraldy.

О́ńirlerdiń árqaısysy boıynsha Densaýlyq saqtaý mınıstrligi problemalyq máselelerdi baıandap, aǵymdaǵy jaǵdaıdy jaqsartý boıynsha naqty sharalar ázirledi.

Jedel shtabta COVID-19 syrqattanýshylyǵynyń ósýine baılanysty Atyraý oblysyndaǵy qanaǵattanarlyqsyz sanıtarııalyq-epıdemıologııalyq jaǵdaı erekshe atap ótildi.

Osyǵan baılanysty E. Toǵjanov Atyraý oblysynyń ákimdigine jaǵdaıdy jaqsartý boıynsha túbegeıli sharalar qabyldaý týraly, onyń ishinde qosymsha shekteý sharalaryn qoldaný týraly tapsyrma berdi.

Sondaı-aq Premer-Mınıstrdiń orynbasary óńirlerdiń ákimdikterine karantındik sharalardyń saqtalýyn múltiksiz baqylaýdy qamtamasyz etýdi, qysqa merzimde qosymsha ınfeksııalyq stasıonarlardy uıymdastyrýdy, qajetti jabdyqtardy (О́JJ, KT jáne t. b.), dárilik zattardy satyp alýdy, sondaı-aq zerthanalardyń PTR qýatyn arttyrýdy tapsyrdy.

“Biz ár óńirdegi jaǵdaıdy Jedel shtabtyń erekshe baqylaýynda ustaıtyn bolamyz. Biz jumysty kúndelikti negizde respýblıkalyq jáne óńirlik aýqymda tyńdap, naqty jedel sharalar qabyldaı otyryp jalǵastyramyz”, - dep qorytyndylady E.Toǵjanov.

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar