Aımaqtar • 09 Shilde, 2020

Aqtóbe oblysynda 219 ınternet alaıaqtyq tirkeldi

71 ret kórsetildi

Aqtóbe oblysynda bıyl birinshi jarty jyldyqta aqparattyq júıeni paıdalanýshylarǵa qatysty alaıaqtyq faktisi boıynsha 219 qylmystyq is tirkeldi, – dep habarlaıdy Polisia.kz.

Aqparat kózi Polisia.kz saıtynda: https://polisia.kz/aqtobe-oblysynda-219-internet-alayaqtyq-tirkeldi/

Onyń ishinde 68 is ashyldy.

Alaıaqtyqtyń eń kóp taralǵan túrleriniń biri – ınternet alaıaqtyq. Uıaly qosymshadaǵy “mobıldi bank” qyzmetin paıdalaný arqyly alaıaqtyq faktileri aıtarlyqtaı jıilep ketti. Bul qyzmetti adamdardyń bank shotyn jáne karta nómirin bilý arqyly júzege asyrady. Mysaly, siz páterdi nemese mashınany satý týraly habarlandyrý berdińiz, biraz ýaqyttan keıin sizge satyp alýshy qońyraý shalyp, aldyn ala tólem jiberý úshin bankomat kartochkasynyń nómirin jiberýdi suraıdy. Qylmyskerler sizdiń bankomat kartochkańyz týraly aqparatty ıelengennen keıin shottan aqsha qarajatyn jymqyrady.

Ádette, alaıaqtar óz qurbandaryn arzan baǵamen jáne tıimdi usynystarmen tartady jáne aqsha qarajatyn elektrondyq ámııanǵa aýdarý arqyly aldyn ala tólem jasaýdy talap etedi. Kóptegen adamdar aqshany alǵannan keıin baılanysqa shyqpaıtyn belgisiz adamdarǵa tólem termınaldary arqyly aýdarady.

Osyǵan baılanysty polısııa turǵyndarǵa keńes beredi:

– Sizdiń kartańyzdyń jaı-kúıi týraly Sizge habarlaı alatyn jalǵyz uıym – qyzmet kórsetetin bank ekenin este saqtaý qajet. Eger sizdiń kartańyzben birdeńe durys emes degen kúdik bolsa, Eger siz ony buǵattaý týraly sms–habarlama alǵan bolsańyz, dereý bankke habarlasyńyz;

– sms-habarlamada kórsetilgen nómirlerge qońyraý shalmańyz jáne habarlama jibermeńiz, bul úshin qosymsha aqy alynýy múmkin; 

– bank kartasy týraly derekterdi, bir rettik jasyryn sózderdi, sms-kodty aıtpańyz, bul aqparat qupııa jáne sizdiń kartańyzdy jeke kabınet arqyly basqarady;

– aqshany belgisiz shottarǵa jáne telefon nómirlerine aýdarmańyz; 

– habarlandyrýdy muqııat oqyp, ony ornalastyrǵan adam týraly aqparatty qarańyz. Uqsas taýarlardyń ortasha qunyn qarańyz. Tym tómen quny sizge kúdik týdyrady. Eger satýshy satyp alynatyn taýar úshin tolyq nemese ishinara aldyn ala tólemdi elektrondyq shotqa aýdarýdy talap etse, beıtanys adamǵa qanshalyqty senýge daıyn ekenińizdi oılanyńyz.

Beıtanys adamdarǵa anonımdi tólem júıeleri arqyly aqsha aýdara otyryp, eger mámile jasalmasa, olardy qaıtarý kepildigi joq ekenin este saqtańyz.


Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar