Qazaqstan • 09 Shilde, 2020

Qazaqstan CORSIA múshesi boldy

8 ret kórsetildi

Búgin Qazaqstannyń avıasııalyq ákimshiliginde avıasııa salasyń sýbektilerimen «Halyqaralyq avıasııa úshin kómirtegi shyǵaryndylaryn óteý jáne azaıtý júıesi (CORSIA)» týraly vebınar ótti, dep habarlady IIDM baspasóz qyzmeti.

Qazirgi ýaqytta azamattyq avıasııaǵa adam qyzmetiniń nátıjesinde CO2 jahandyq shyǵaryndylarynyń 2% deıin keledi.  Avıasııa salasynyń qorshaǵan ortaǵa áserin eskere otyryp, 2016 jyldyń qazan aıynda IKAO Assambleıasynyń 39 sheshimimen «halyqaralyq ushýlar nátıjesinde SO2 jıyntyq emıssııasy (shyǵaryndylary) kóleminiń jyl saıynǵy ulǵaıýy máselesin sheshý» maqsatynda CORSIA jahandyq naryq tetigi bekitildi.

Klımatqa avıasııanyń áserin azaıtý jónindegi IKAO sharalarynyń qorjynyna kiretin CORSIA júıesi halyqaralyq ushýlardy oryndaý kezinde júrgiziletin CO2 emıssııasyn óteý arqyly kómirtekti-beıtarap ósýdi qamtamasyz etýge arnalǵan. Maqsaty - avıasııanyń CO2 taza shyǵaryndylaryn 2005 jylǵy shyǵaryndylardan 50% deıin qysqartý.  Bul otyn tıimdiligin arttyrýdy jáne SO2 shyǵaryndylaryn turaqtandyrýdy bildiredi.

Halyqaralyq reısterdi oryndaıtyn áýe kemelerin paıdalanýshylar barlyq halyqaralyq ushýlardan SO2 shyǵaryndylaryna monıtorıng júrgizýi tıis. 2019 jáne 2020 jyldardaǵy halyqaralyq ushýlar týraly málimetter negizinde CORSIA bazalyq deńgeıdi anyqtaıdy. Bazalyq deńgeıdi eskere otyryp, ótemaqy sharalary qoldanylatyn bolady.

CORSIA 2021 jyldan bastap engizýdiń úsh kezeńinen turady.  

2026 jyldan bastap barlyq halyqaralyq reıster úshin baǵdarlamaǵa qatysý mindetti.

Birqatar ýaqyttan beri QR IIDM Azamattyq avıasııa komıteti jáne Qazaqstannyń avıasııalyq ákimshiligi halyqaralyq avıasııa úshin kómirtegi shyǵaryndylaryn óteý jáne azaıtý máseleleri boıynsha IKAO sarapshylarymen birlesip jumys isteýde.

2020 jyldyń maýsymynda Qazaqstannyń avıasııalyq ákimshiliginiń bas dırektory Pıter Grıffıts IKAO-nyń CORSIA baǵdarlamasyna erikti túrde qatysatyndyǵyn IKAO-nyń bas hatshysy Fan Lıýge joldaǵan hatynda resmı túrde rastady.

Búgingi tańda halyqaralyq avıasııanyń 76,76% -yn quraıtyn 85 memleket SO2 shyǵaryndylaryn óteý men joıýdyń erikti kezeńine (2021-2023 jj.) qatysýǵa daıyn ekendikterin bildirdi.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar