Ońtústik Qazaqstan • 09 Shilde, 2020

Túrkistan jasyl qalaǵa aınalýda

91 ret kórsetildi

Túrkistanda demalys  oryndary kóbeıip,  kógaldandyrý jumystary qarqyndy júrgizilýde. Bul oraıda qala aýmaǵynda 250 myń aǵash kóshetteri men butalar otyrǵyzylǵan. Tut aǵashy, pıssar órigi, terek, arsha, lınden aǵashy, qaraǵaı, katalpa, talshyn egilgen, dep jazady Egemen.kz

Qalanyń ekologııalyq jaǵdaıyn jaqsartý maqsatynda eń ozyq tehnologııalar qoldanylýda. Arnaıy suıyqtyq shashylǵannan keıingi jeti kúnde aınala jasyl jelekke bólenedi. Al «Jasyl beldeý»  baǵdarlamasy boıynsha 97,9 gektar aýmaqqa 42068 dana aǵash egilgen. «Qashqarı» demalys ornynda 200 túrli aǵashtar men butaly gúldi ósimdikter otyrǵyzylǵan. Qazirgi kezde qalanyń 19 kóshesinde kógaldandyrý men abattandyrý jumystary iske asýda.

Sonymen birge, Ál-Farabı men Qazybek bı, N.Tórequlov kóshesinde saıabaq pen skverler ornatylýda.  Qala boıynsha 65 uńǵyma qazylyp, alleıalar men skverler qoldanysqa berildi. M. Poshanov, Baıtanaev, R.Seıtmetov demalys oryndary jáne «Jeńis» saıabaǵy qaıtadan jańartýdan ótip, jańa kelbetke ıe boldy. Abattandyrý jáne kógaldandyrý jumystaryn baqylaǵan oblys ákimi О́mirzaq Shókeev sapaǵa mán berip, ýaqyt únemdeý maqsatynda engizilgen gıdroegý jumystaryn tekserdi.

Aıta ketelik, Túrkistan qalasy ákimshilik-iskerlik ortalyǵynda 89 kópqabatty turǵyn úıdiń qurylysy memlekettik bıýdjet esebinen júrgizilýde. Jyl qorytyndysymen 7 qabatty 24 turǵyn úı (1452 páter), paıdalanýǵa berilmek. Onyń ishinde kezekte turǵan áleýmettik osal toptarǵa jáne kópbalaly otbasylarǵa - 450, kezekte turǵan memlekettik qyzmetkerlege kredıttik 1002 páter tapsyrý josparlanǵan.

 

Túrkistan oblysy

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar