Qoǵam • 09 Shilde, 2020

Qazaqstandyqtardyń múgedektik merzimi 3 aıǵa sozyldy

156 ret kórsetildi

Eńbek jáne halyqty áleýmettik qorǵaý mınıstrligi múgedektik merzimin avtomatty túrde 3 aıǵa uzartý týraly buıryq qabyldady, dep habarlady mınıstrliktiń baspasóz qyzmeti.

Búgingi kúni 28 867 azamatqa múgedektik merzimi uzartyldy.

Bul shara memlekettik mekemelerde adamdardyń jappaı jınalýynyń aldyn alýǵa jáne azamattardyń koronavırýstyq ınfeksııany juqtyrý qaýpin azaıtýǵa baǵyttalǵan.

Múgedektikti, jalpy jáne kásiptik eńbek etý qabiletinen aıyrylý dárejesin, sondaı-aq ońaltýdyń jeke baǵdarlamasyn avtomatty túrde uzartý qaıta kýálandyrý merzimi shekteý sharalary kezeńine (aǵymdaǵy jylǵy 31 shildeni qosa alǵanda) kelgen azamattarǵa qatysty boldy. Bul rette járdemaqy tóleý buryn belgilengen múgedektik toby boıynsha júzege asyrylady.

Múgedektikti alǵash ret belgilegen jaǵdaıda eGov.kz portalda "Elektrondyq ótinishter" bólimine qujattardyń skanerlengen kóshirmelerimen qosa ótinim berý qajet.

16 jáne 18 jasqa tolǵan múgedek balalarǵa qatysty syrttaı qaıta kýálandyrý qarastyrylǵan. Olarǵa múgedektik qolda bar qujattar negizinde jáne aldyńǵy kýálandyrýǵa sáıkes múgedektik dárejesin eskere otyryp belgilenedi.

Esińizge salsaq, alǵash ret múgedektik merzimin avtomatty túrde uzartý Qazaqstan aýmaǵynda tótenshe jaǵdaılar (budan ári – TJ) rejimin engizý kezinde qabyldandy. Qaıta kýálandyrý merzimi TJ kezeńine jáne odan bir aı buryn ýaqytqa (2020 jylǵy 15 aqpannan bastap) qatar kelgen adamdarǵa múgedektik 3 aıǵa uzartylǵan edi.

Aıta keteıik, jyl saıyn 250 myńnan astam azamat medısınalyq-áleýmettik saraptamadan ótedi. 2019 jyly múgedektikti belgileý jáne áleýmettik qorǵaý sharalaryn anyqtaý qyzmetin 251 909 adam aldy.

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Alash balasyna ardaqty kún

Abaı • Búgin, 06:42

Tulǵa týǵan topyraq

Qoǵam • Búgin, 06:39

Qazaqtyń rýhanı qubylasy

Abaı • Búgin, 06:34

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Qyzylordada ınternet-alaıaq quryqtaldy

Tehnologııa • 08 Tamyz, 2020

Uqsas jańalyqtar