Aımaqtar • 09 Shilde, 2020

Almatyda 3096 shaqyrym avtomobıl joldary bar

10 ret kórsetildi

Búgin Almaty qalalyq mobıldilik basqarmasynyń basshysynyń orynbasary Ernur Abjahan megapolıstegi jol ınfraqurylymynyń damýyna baılanysty BAQ ókilderimen ZOOM júıesi arqyly aqparattarmen bólisti, dep habarlaıdy Egemen.kz

Almaty qalasy boıynsha avtomobıl joldarynyń jalpy uzyndyǵy 3096 shaqyrymdy  quraıdy, onyń ishinde 2019 jyly avtomobıl joldarynyń 75% durystalǵan. Almaty qalasy ákiminiń tapsyrmasy boıynsha bul kórsetkishti 2020 jyly 80% jetkizý josparlanýda.

Almaty qalasyn damytý josparyna sáıkes, 2019 jyly Rysqulov dańǵyly men Qulja kúre jolynyń qıylysyndaǵy kólik jolaıryǵy qurylysy, sonymen qatar Súıinbaı dańǵylyn B.Hmelnıskıı kóshesinen Sholohov kóshesine deıin, Sholohov kóshesinen solǵa burylý jolymen, qaıta qurý nysandary boıynsha jumystar aıaqtaldy jáne paıdalanýǵa berildi.     

14 shaǵynaýdanda, 469 kóshede uzyndyǵy 120 shaqyrym jańa joldardyń qurylysy júrgizildi. Onyń ishinde 294 kóshe boıynsha 73 shaqyrym jol qurylysy aıaqtaldy.

2019 jyly 147 kóshede, uzyndyǵy 134,8 shaqyrym, ortasha jóndeý jumystary júrgizildi, bul kóshe-jol toraby uzyndyǵynyń 5% quraıdy. 5 kólik jolaıryǵynyń tireýish qabyrǵalaryn jóndeý, onyń ishinde Áýezov aýdanynda – 3, Medeý aýdanynda – 2. Budan basqa, 35 shaqyrym trotýarlardy salý jáne jóndeý jumystary aıaqtaldy.

2020 jyly 3 kólik jolaıryqtarynyń qurylysy (Rysqulov dańǵyly - Emsov kóshesi, Seıfýllın dańǵyly – Jansúgirov kóshesi, Buqtyrma kóshesi – Qulja kúre joly), Abaı dańǵyly men Saın kóshesin uzartý jalǵasýda.

2019 jyly bastalǵan 120 shaqyrym jańa jol qurylysynyń 47 shaqyrymyn aıaqtaý, uzyndyǵy 200 shaqyrym bolatyn 283 kósheni ortasha jóndeý jumystary, uzyndyǵy 30 shaqyrym trotýarlardy salý jáne jóndeý jumystary josparlanǵan. Aǵymdaǵy jóndeýmen 300 000 m2 qalanyń kóshe-jol torabynyń asfaltbeton jamylǵysyn jóndeý josparlanǵan.

Sondaı-aq, jaıaý júrginshilerdiń qaýipsizdigin qamtamasyz etý maqsatynda magıstraldy kóshelerdiń boıynda 5 jaıaý júrginshiler ótkelderin salý jumystary bastaldy.

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Alash balasyna ardaqty kún

Abaı • Búgin, 06:42

Tulǵa týǵan topyraq

Qoǵam • Búgin, 06:39

Qazaqtyń rýhanı qubylasy

Abaı • Búgin, 06:34

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Qyzylordada ınternet-alaıaq quryqtaldy

Tehnologııa • 08 Tamyz, 2020

Uqsas jańalyqtar