Ońtústik Qazaqstan • 09 Shilde, 2020

О́mirzaq Shókeev: Aýrýhanalarda tósek-oryn qory jetkilikti

32 ret kórsetildi

Túrkistan oblysy boıynsha koronavırýsqa qarsy qabyldanǵan tıisti sharalardyń arqasynda qazirgi tańda jaǵdaı turaqtalǵan. Emdeý sharalary úshin ınfeksııalyq stasıonarlarda –  440, provızorlyq stasıonarlarda – 1891, karantındik ortalyqtarda 980 tósek-oryn uıymdastyrylǵan.  Jalpy, aýrýhanalardaǵy tósek-oryndar qory jetkilikti. Daıyndalǵan oryndardyń  41 paıyzy qazirgi tańda bos tur, dep habarlaıdy Egemen.kz

Túrkistan oblysyndaǵy pandemııa jaǵdaıy boıynsha О́ńirlik kommýnıkasııalar qyzmetinde ótken onlaın-brıfıngte oblys ákimi О́mirzaq Shókeev osyndaı derekterdi málim etti. Oblysta  koronavırýstyq  ınfeksııasy rastalyp, tirkelgen adamdar sany  2079-ǵa jetken, indetten aıyqqandar sany 800-ge jýyqtaǵan.

О́kinishke qaraı, indetten 11 adam qaıtys bolyp otyr. Al pnevmonııa dertin juqtyrǵandardyń jalpy sany óńirde 5421 bolsa, onyń 2933-i, ıaǵnı 63,4 paıyzy saýyǵyp shyqqan. О́kinishtisi 46 adam pnevmonııa dertinen qaıtys bolǵan.  «Jaqyndarynan aıyrylǵan azamattarǵa ózimniń atymnan, oblys jurtshylyǵy atynan otbasylaryna, jaqyndaryna qaıǵyryp, kóńil aıtamyn. Qazirgi tańda biz qoldan kelgen barlyq sharalardy jasap jatyrmyz.  Búginniń ózinde 1 911 adam onyń ishinde 9 bala  stasıonarlyq baqylaýǵa alyndy. Sonyń ishinde 196 adam  ınfeksııalyq, 1715 naýqas provızorlyq stasıonarda em qabyldaýda», dedi О́mirzaq Estaıuly.  

Búgingi, ıaǵnı 9 shildedegi jaǵdaı boıynsha oblysta koronavırýstyq ınfeksııasynan 28 jaǵdaı tirkelip, bir kúndik ósim 1,4  paıyz bolǵan.   Jalpy pandemııadan saqtanýdyń, aýyryp jatqan naýqastardyń sanyn azaıtýdyń basty joly – ol saqtyq sharalaryn kúsheıtý. Kópshilik oryndarǵa tek qajettilikpen shyǵý, betperde taǵý, áleýmettik qashyqtyqty saqtaý. Osy máselelerge basa nazar aýdarý kerektigine toqtalǵan oblys ákimi óńirdegi 16 aýdan, qalada 187 medısınalyq mobıldi toptar jumys júrgizip jatqanyn jetkizdi.   Budan bólek,  barlyq aýdandarda karantındik rejımniń saqtalýy men saqtyq sharalaryn túsindirý boıynsha jumystar turaqty júrgizilýde. Degenmen, oblys boıynsha tótenshe jaǵdaı rejımin buzǵan 1039 jaǵdaı anyqtalyp, onyń 320-na aıyppul salynsa, 96 azamat qamaýǵa alynǵan.

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar