Qazaqstan • 09 Shilde, 2020

"Teledáriger" jobasy ashyldy

121 ret kórsetildi

Qazirgi tańda pandemııa indeti barlyq óńirde órship tur. Sońǵy málimetke qaraǵanda, elimiz boıynsha syrqatqa ushyraǵandar sany 51 060 adamǵa jetip, bulardyń 17 myńdaıy jazylyp shyqsa, baqılyq bolǵandar da barshylyq, dep jazady Egemen.kz

Osy oraıda, Qazaqstan Ulttyq telearnasy respýblıka turǵyndaryna  medısınalyq keńes berý maqsatynda, 9 shildeden bastap maman dárigerlerdiń qatysýymen tikeleı efırde "Teledáriger" jobasyn uıymdastyrýdy qolǵa alypty. Telejoba dúısenbi-juma kúnderi tikeleı efırde shyǵady dep kútilýde.

"Pandemııamen kúres bastalǵaly Ulttyq arna halyqty aqparattandyrýǵa barynsha kúsh salyp keledi. Tikeleı efırde berilip kele jatqan "Nıet", "Ashyq alań" baǵdarlamalary arqyly atalǵan taqyrypta kún saıyn halyqqa aqparat taratyp keldi. Al jańadan qolǵa alynyp otyrǵan "Teledáriger" jobasy kórermender úshin tıimdi bolary anyq. О́ıtkeni" qarapaıym buqara jan-jaqtan quıylyp jatqan ártúrli aqparattar aǵynynyń aq pen qarasyn ajyratyp túsine almaı sandalýda. Jańa joba osy úrdisti retteýge arnalmaq. Baǵdarlama suraq-jaýap format túrinde uıymdastyrylyp, stýdııaǵa kelgen maman bir saǵat boıy tek kórermen tarapynan kelip túsken saýaldarǵa jaýap beredi", deıdi  "Qazaqstan" RTRK" AQ Basqarma tóraıymynyń orynbasary Ilham Ibragım.

Sonymen qatar tikeleı efırde telefon jelisi, WhatsApp messendjeri, Skype sııaqty keri baılanys ornatýdyń birneshe platformasy qarastyrylǵan kórinedi. Baǵdarlama ýaqyty ázirge bir saǵatqa josparlanypty.  Eger tıimdiligi artyp jatsa efır ýaqytyn uzartatyn bolamyz, deıdi uıymdastyrýshylar.

Iаǵnı telejobaǵa qatysýshy bilikti dárigerler bes kún boıy tikeleı efır arqyly kórermendermen tikeleı baılanysqa shyǵyp, álemdi jaýlaǵan koronavırýspen kúresý joldaryn túsindirýmen qatar, COVID-19 jáne ózge de aýrýlardan saqtaný, aldyn alý sharalary jaıly, emdeý tásilderi týraly nusqaýlyqtar beredi.

Baǵdarlama barysynda kez kelgen adam stýdııadaǵy +7 (7172) 75-71-71 nómirine qońyraý shalý arqyly qajet suraǵyna jaýap alýǵa múmkindik bar. Sondaı-aq +7 775 9073163, +7 775 9073159 WhatsApp nómirlerine aldyn ala beınesaýal joldap, tikeleı efır ýaqytynda dáriger mamannyń keńesin ala alady. Odan bólek, dárigerlerge Skype-baılanys arqyly saýal qoıý múmkindigi de qarastyrylǵan.

"Jobanyń negizgi maqsaty – el turǵyndaryna, ásirese shalǵaı aýyl-aımaqtaǵy kórermenge qazirgi kúrdeli ahýalǵa baılanysty kúndelikti medısınalyq keńes berý", deıdi Ulttyq arna ujymy.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Indetten jazylǵandar sany 73 702-ge jetti

Koronavırýs • Búgin, 09:25

Uqsas jańalyqtar