Medısına • 09 Shilde, 2020

Aıdyń sońyna deıin Almatyǵa 3 mln qaptama dári jetkiziledi

25 ret kórsetildi

Almaty ákimdiginiń qalany dári-dármekpen qamtamasyz etý jónindegi úılestirýshisi Zańǵar Sálimbaevtyń aıtýynsha, shilde aıynyń sońyna deıin megapolıske úsh mıllıonnan astam ómirlik mańyzy bar dári-dármek jetkiziledi, dep habarlaıdy Egemen.kz

Z.Sálimbaevtyń aıtýynsha, shamadan tys suranys dári tapshylyǵyna ákelip otyr. Máselen, eger ótken jyly Almatydaǵy farmasevtter ótken aıda shamamen 50 myń qaptama parasetamol satsa, ótken aptanyń ózinde 260 myń qaptama qyzýdy túsiretin dáriler satylǵan. Máseleni sheshý úshin Almaty qalasynyń ákimi B. Saǵyntaevtyń tapsyrmasymen óndirýshilermen, jetkizýshilermen, dárihanalar jelisimen jáne mamandandyrylǵan qaýymdastyqpen memorandýmǵa qol qoıyldy.

"22 maýsymnan bastap biz iri jetkizýshilermen, otandyq óndirýshilermen, dıstrıbıýtorlarmen, dárihanalar jelisimen jáne farmasevtıkalyq kompanııalarmen belsendi jumys jasaýdamyz. Olar kelisimge qol qoıdy, onda iri jetkizýshiler, resmı dıstrıbıýtorlar Almaty qalasyndaǵy 105 dárihanaǵa áleýmettik mańyzy bar dári-dármekterdiń basym bóligin jetkizetin bolady", dep túsindirdi Z.Sálimbaev.

Jaǵdaı Almaty ákiminiń únemi qadaǵalaýynda. Farmasevtıkalyq naryq qatysýshylary dári-dármekter qory týraly jáne ákimdik sheshýge kómektesip jatqan qıyndyqtar týraly jedel túrde habarlap otyrýda. Atap aıtqanda, ákimshilik kedergiler joıylyp, bizdiń naryqqa buryn kirmegen ımporttalǵan dárilerdi jedel sertıfıkattaý sheshilýde.

Z.Sálimbaevtyń aıtýynsha, 1 shildeden bastap qalalyq dárihanalarǵa 475 myń mańyzdy dári-dármek alyndy. Onyń ishinde parasetamol, aspırın, ıngavırın, azıtromısın jáne kardımagnıl bar.

"Shilde aıynyń sońyna deıin megapolıske úsh mıllıonnan astam dári-dármek jetkiziledi. Onyń ishinde 2,2 mıllıon qaptama parasetamol, 391 myń aspırın, 160 myń ıbýprofen, 60 myń ıngavırın, 99 myń azıtromısın jáne basqa da áleýmettik mańyzy bar dáriler. Úsh reıs jetkiziledi dep kútilýde - erteń ushaq Reseıden, 12 jáne 15 shildede Úndistannan keledi", dep tolyqtyrdy Z.Sálimbaev.

Jaýapty mamandar osylaısha, dári-dármek naryǵyndaǵy jaǵdaı tolyǵymen turaqtandyrylady dep sendirip otyr.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Uqsas jańalyqtar