Medısına • 09 Shilde, 2020

Túrkistanda dárigerlerge 2 mlrd 867 mln teńge ústemaqy berildi

11 ret kórsetildi

Túrkistan oblysynda 178 ókpeni jasandy jeldetý apparaty bar. Onyń 45-i ınfeksııalyq jáne provızorlyq gospıtaldarǵa qoıylǵan. Jetisaı, Maqtaaral aýdandarynyń kásipker azamattary demeýshilik jasap, 6 О́JJ apparatyn Jetisaı qalalyq aýrýhanasyna paıdalanýǵa berdi. О́ńirde jalpy táýliktik qýattylyǵy 650 testke deıin polımerazdy tizbekti reaksııasy ádisimen 4 zerthana koronavırýsqa qarsy tekserýden ótkizýde, dep habarlaıdy Egemen.kz

Túrkistan oblysyndaǵy pandemııa jaǵdaıy boıynsha О́ńirlik kommýnıkasııalar qyzmetinde ótken onlaın-brıfıngte oblys ákimi О́mirzaq Shókeev óńirdegi medısınalyq uıymdarda koronavırýstyq ınfeksııany dıagnostıkalaý jáne emdeý týraly hattamasynda kórsetilgen dárilik zattardyń qajetti qory jetkilikti ekenin aıtyp ótti.

"Al dárihanalarda tapshy bolýynyń sebebi – paıda tabý maqsatynda alypsatarlyq, ekinshiden azamattardyń naýqas bolmasa da dárilerdi  mólsherden tys satyp alýy. Sol sebepti, oblysta jumys istep jatqan  921 dárihanada halyqtyń suranysyna oraı dárilik zattardyń tapshylyǵy sezilip otyr», dedi О́mirzaq Shókeev. Bul baǵytta naqty jumystar júrgizilýde. «Jalpy oblystyq bıýdjetten 500 mln teńge bólip, О́zbekstan úkimetimen baılanysqa shyqtyq. Kórshi elden arnaıy bir tizimmen dárilerdi ákelýge kelistik. Búgin oblysqa eki júk kóligimen dári jetkizildi. Halyqqa eń kerekti degen antıbakterıaldy, antıkogýlıantty dáriler kelip jatyr. Ekinshi, Densaýlyq saqtaý mınıstrliginiń yqpalymen Túrik elimen baılanysyp, ol jaqtan antıbıotıkter men basqa da sáli kúrdeli dárilerdiń bári jetkizilmek. Sondyqtan eki aılyq bizge kerekti dáriler osy bir aptanyń ishinde oblysqa tasymaldanady. Sóıtip barlyq emdeý mekemelerine taratylatyn bolady. Biz ol dárilerdi dárihanalar arqyly shekteýli baǵamen satýymyz kerek. Jáne bir qolǵa bosatylatyn normany belgilep qoıamyz. О́ıtkeni kóp jaǵdaıda bizdiń turǵyndar dári-dármekterdi kerek bolmasa da alyp qoıa beretin bolǵan", dedi О́mirzaq Estaıuly.

Oblys boıynsha dárilik zattardyń baǵalaryna baqylaý  júrgizý maqsatynda arnaıy  monıtorıng top qurylǵan. Sondaı-aq, karantın rejımi kezinde qyzmetin júzege asyratyn obektilerge tekserýler (monıtorıng) júrgizý algorıtmine sáıkes Túrkistan oblysy qala, aýdandary ákimdiginde mobıldi top jasaqtalǵan. Atalǵan top dárihanalardy tekserý barysynda 12 nysanǵa ákimshilik quqyq buzýshylyq týraly hattama toltyrǵan. Ol hattamalardyń 3-i jergilikti sot organdaryna joldanyp, 9 nysanǵa  aıyppul salynǵan.

Onlaın-brıfıngte dárigerlerdiń jaǵdaıy da áńgimelendi. О́ńirde 17 myńnan astam medısına qyzmetkeri jumys isteýde. О́kinishke qaraı, 132 medısına qyzmetkeri indet juqtyrǵan, 5 dáriger pnevmonııadan kóz jumǵan, al 24-i emdelip shyqqan. Sondaı-aq oblys ákimi medısına qyzmetkerlerine 2 mlrd 867 mln teńge kóleminde ústemaqy tólengenin jetkizdi. Dárigerler tıisti qorǵanysh jabdyqtarmen, arnaıy kıimdermen tolyq qamtamasyz etilgen.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Uqsas jańalyqtar