Aımaqtar • 09 Shilde, 2020

Mańǵystaýǵa dári-dármek jetkiziledi

117 ret kórsetildi

Bul týraly onlaın-brıfıngte Mańǵystaý oblysynyń ákimi Serikbaı Trumov málimdedi. Aımaq basshysynyń aıtýynsha, elimiz boıynsha ózekti bolǵan dárihanalardaǵy dári-dármek jetispeýshiligi óńirde rettele bastady, dep habarlady Mańǵystaý oblystyq qoǵamdyq kommýnıkasııa ortalyǵy.

Mańǵystaý oblysyna dári-dármekterdi tasymaldaýmen 4 mekeme aınalysady. Olar "Medservıs Plıýs" JShS, "Emıtı Interneshnl" JShS Aqtaý qalalyq fılıaly, "Inkar-Aktaý" JShS jáne "ADA Farm-Aktaý" JShS mekemeleri.

6 shilde kúni "Medservıs Plıýs", "Emıtı Interneshnl", "Inkar-Aktaý" mekemeleriniń árqaısyna 90 m3/tekshe metr kóleminde 1 júk kóligimen, jalpy 3 júk kóligimen dári-dármekter jetkizildi. Osy kúnderi turǵyndardyń qoljetimdiligin arttyrý maqsatynda dári-dármekter arnaıy tirkeýden ótip, óńirdegi dárihanalarǵa taratylyp jatyr. Sonymen birge, "ADA Farm-Aktaý" JShS óziniń 22 dárihanasyn qamtamasyz etýde.

10 shilde kúni "Medservıs Plıýs" mekemesine kezekti júk kóligimen qosymsha taǵy da dári-dármekter keledi. Sonymen qatar, kásipkerlerdiń qoldaýymen Reseı Federasııasy Astrahan qalasynan dári-dármekti jetkizý jumystary júrgizilýde. "ERSAI Kaspıan Kontraktor" JShS de dári-dármek úshin qarjylaı demeýshilik kórsetýge daıyn ekendigin bildirdi.

Bul baǵytta Mańǵystaý oblysynyń ákimdigi, oblystyq provızorlar men farmasevtter qaýymdastyǵy jáne taýarlar men kórsetiletin qyzmetterdiń sapasy men qaýipsizdigin baqylaý departamenti arasynda dárilik zattarǵa qajettiliktiń ósýine qatysty máseleler boıynsha yntymaqtastyq týraly memorandým jasaqtaldy. Osyǵan oraı, dárihanalardaǵy dári-dármektiń baǵasyn retteý maqsatynda qalalar men aýdandarda "Mańǵystaý-Adaldyq alańy" jobalyq keńsesimen jáne quqyq qorǵaý organdarymen birlesken arnaıy monıtorıngtik toptar quryldy. Olar únemi reıdtik sharalar jasap, baǵanyń negizsiz ósýin boldyrmaý úshin jumystanatyn bolady. Búgingi kúni 3 zańdy tulǵaǵa qatysty shara qabyldanýda.

"Bul baǵytta oblys turǵyndaryn da barynsha azamattyq jaýapkershilik tanytýǵa shaqyramyz. Eger de dárihanalardaǵy negizsiz kóterilgen dári baǵalaryn baıqasańyzdar Mańǵystaý oblystyq ekonomıkalyq tergeý departamentiniń kelesideı  telefondaryna habarlasýyńyzdy suraımyn –40 34 01, 8 702 561 6668, 8 775 195 7171, 8 707 573 1295, 8 707 405 0051. Sonymen birge, "Mańǵystaý-Adaldyq alańy" jobalyq keńsesine 8 775 222 7292 baılanys nómirine Vatsap jelisi arqyly joldaı alasyzdar", dedi S.Trumov.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Uqsas jańalyqtar