Medısına • 09 Shilde, 2020

Mańǵystaýǵa ózge aımaqtardan dáriger-mamandar shaqyrtylýda

57 ret kórsetildi

Bul týraly Mańǵystaýdaǵy koronavırýspen kúres sharalary taqyrybyna arnalǵan onlaın-brıfıngte oblys ákimi Serikbaı Trumov málimdedi, dep habarlaıdy Egemen.kz

Búgingi kúni medısınalyq mamandardyń jumys kólemi artty. Dárigerler naýqastardyń ómiri úshin kún-tún demeı aıanbaı kúresýde. Alaıda, naýqastardyń kóbeıýine baılanysty óńirde medısına mamandarynyń jetispeýshiligi baıqalady. Em alý sharalaryna 200 medısınalyq qyzmetker jumyldyrylǵan. Dese de, óńirde reanımatologtar, ınfeksıonıstter, terapevtter jáne jalpy praktıka dárigerleri tapshy.

Atalǵan mamandardy oblysqa aldyrý boıynsha jumystar júrgizilip jatyr. О́zge aımaqtan joǵary bilikti mamandar shaqyrtylýda. Aldaǵy ýaqytta ózge oblystan dárigerler keletin bolady. Sonymen birge Mańǵystaýǵa reseılik 5 mamannyń kelýi kútilýde. Jańaózen qalasyna da oblys ortalyǵynan qosymsha 3 dáriger maman jiberiletin bolady. Bul qosymsha kúsh óńir dárigerlerine úlken qoldaý bolmaq.

"Barlyq dárigerlerdi qoldaý maqsatynda olardyń qaýipsizdigi úshin jaıly qonaq úılerge ornalastyrylyp, úzdiksiz tamaqtandyrylyp, ústemaqylary tolyq kólemde tólenip jatyr", dedi MO ákimi Serikbaı Trumov.

Sonymen qatar aımaqtaǵy qala men aýdandarda birqatar mektepterdiń ishinde ornalasqan egý bólmeleri halyqqa medısınalyq qyzmet kórsetý jumystaryna jumyldyryldy. Mektepterdiń egý kabınetterinde kásibı bilikti meıirbıkeler tolyqqandy medısınalyq em-sharalaryn jasaıtyn bolady.

"Koronavırýspen kúres sharalaryna volonterlar da atsalysyp jatyr. Oblys boıynsha provızorlyq ortalyqtarda 80-ge jýyq erikti qyzmet etýde. Olardyń ishinde, oblystyq volonterlar korpýsynyń jastary, medısınalyq kolledj stýdentteri, óńirdiń sportshylary, sonymen birge qalyptasqan jaǵdaıǵa beı-jaı qaraı almaǵan birqatar azamattar bar. Osy oraıda, barsha volonterlarǵa alǵys bildiremin", dedi S.Trumov.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Uqsas jańalyqtar