Aımaqtar • 09 Shilde, 2020

Nur-Sultanda 23 alypsatar ustaldy

27 ret kórsetildi

Nur-Sultan qalasynyń polıseıleri medısınalyq quraldardy zańsyz satý faktilerin anyqtaý boıynsha reıdti jalǵastyryp jatyr. Bul týraly Polisia.kz-ke silteme jasaı otyryp Egemen.kz habarlaıdy.

Dárilik preparattar men medısınalyq quraldardy zańsyz ótkizý faktilerin anyqtaý boıynsha ótkizilgen jedel-aldyn alý is-sharalarynyń tórt kún ishinde Nur-Sultan qalasy Polısııa departamentiniń qyzmetkerleri tıisti ruqsatsyz medısınalyq quraldar men preparattardy zańsyz ótkizgen 23 adamdy ustaǵan. Tárkilengen preparattardyń jalpy somasy toǵyz mıllıonnan astam teńgeni quraıdy.

Osylaısha, jedel-aldyn alý is-sharasyn ótkizý barysynda Dúkenuly kóshesiniń boıynda 35 jastaǵy qala turǵyny ustalyp, odan jalpy somasy bir jarym mıllıonǵa jýyq teńgeni quraıtyn medısınalyq qolǵaptar, antıseptıkter tárkilengen. Sonymen qatar reıd barysynda jarty mıllıonnan astam teńge somasyna medısınalyq betperde satpaq bolǵan 33 jastaǵy qala turǵyny ustalǵan.

7 shildede saǵat 17.15-te polıseıler eki azamattyń medısınalyq ónimderdi zańsyz ótkizý faktisin anyqtaǵan, olardyń avtokóliginiń júksalǵyshynda 180 myń teńge somasyna jalpy kólemi 100 lıtr bolatyn kanıstradaǵy antıseptık, 350 myń teńgege medısınalyq betperde bolǵan. 

Árbir anyqtalǵan fakti boıynsha qoldanystaǵy zańnamaǵa sáıkes quqyqtyq baǵa beriletin bolady. 

Nur-Sultan qalasynynyń Polısııa departamenti azamattardan zańsyz dárilik quraldardy satý faktilerin biletin bolsa polısııaǵa habarlasýlaryn suraıdy.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Uqsas jańalyqtar