Qoǵam • 09 Shilde, 2020

Jemqor sheneýnikter "Jol kartasyn" kertip jeýge kiristi me?

370 ret kórsetildi

"Jumyspen qamtýdyń jol kartasy-2020" baǵdarlamasy aıasynda bıyl Almaty oblysynda 109,2 mlrd teńge qarajat bólingen bolatyn. Mol qarjynyń nátıjesinde aımaqtaǵy eńbek naryǵyna da suranys artyp,  23 myńǵa jýyq adam jumyspen qamtylmaq. Qazir osy maqsatta myńǵa jýyq joba maquldanyp, óńirdiń barlyq aýdandarynda jumys qyzyp tur. Biraq...

О́kinishke qaraı, memlekettik baǵdarlama boıynsha bólingen qarajatqa qol suqqan jemqorlyq áreketteri de áshkere bolyp otyr. Mysaly, jaqynda Ulttyq qaýipsizdik komıteti Almaty oblysy boıynsha departamenti men oblystyń sybaılas jemqorlyqqa qarsy qyzmeti Tekeli qalasy ákimi apparatynyń basshysyn tutqyndady. Qazir asa iri kólemde para aldy degen kúdikke ilingen sheneýniktiń ústinen sotqa deıingi tergeý bastalǵan.

Sybaılas jemqorlyqqa qarsy is-qımyl agenttigi Almaty oblysy boıynsha departamentiniń asa mańyzdy ister boıynsha tergeýshisi Qaısar Barjaqsynovtyń aıtýynsha, laýzymdy tulǵa ókilettiligin asyra paıdalanyp, qaladaǵy "Múgedekter qoǵamy" birlestiginiń dırektorynan 1 500 000 teńge kóleminde para suraǵan. Iаǵnı, apparat basshysy "О́ńirlerdi damytýdyń 2020 jylǵa deıingi memlekettik baǵdarlamasy" aıasynda atqarylatyn jumys boııynsha kelisimshart jasaýda jeńildik jasaý úshin múgedek jandardan aqsha berýdi talap etken. Qazir qalada "Jol kartasy" boıynsha qomaqty qarjy bólinip, abattandyrý jumysy júrip jatyr. Qoǵamdyq birlestik kelisim shart negizinde osy jumystyń bir bóligin atqaryp, bólingen aqshany ıgerýi tıis bolatyn.

"Sybaılas jemqorlyqqa qarsy is-qımyl agenttiginiń Almaty oblysy boıynsha departamenti Ulttyq qaýipsizdik komıteti qyzmetkerlerimen birlesip, Tekeli qalasy ákimi apparatynyń basshysyn ustady. Kúdikti  qala aýmaǵyn abbattandyrý týraly jasalǵan shart boıynsha qoǵamdyq birlestiktiń dırektoryna jalpy qoldaý kórsetkeni úshin 1 500 000 teńge somasynda para alýdy dep aıyptalýda. Tergep-tekserý jalǵasýda. Kúdiktiniń kinásiniń dárejesi týraly túpkilikti sheshimdi sot shyǵarady", deıdi asa mańyzdy ister boıynsha tergeýshi Qaısar Barjaqsynov.

Aıtpaqshy, apparat basshysy para alý kezinde qashýǵa áreket jasaǵan. Ol ózin ustaýǵa kelgen arnaıy qyzmet ókilderin kórgende aǵysy qatty ózenge sekirip ketipti. Kúdiktini qutqarýǵa týra kelgen. О́kinishke qaraı, laýyzymdy sheneýnikke qatysty bul oqıǵa Almaty oblysyndaǵy jalǵyz mysal emes.

Jaqynda Sybaılas jemqorlyqqa qarsy kúres qyzmeti oblystaǵy "Memsaraptama" kásiporyny basshysyn men qurylys kompanııasynyń dırektoryn ustaǵan bolatyn. Olar "Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan "Eńbek" memlekettik baǵdarlamasy» boıynsha atqaralatyn jumys barysynda ymyralasyp, sybaılas jemqorlyqqa jol bergen. Atap aıtqanda, laýzymdy basshy qurylys júrgizgen seriktsestik dırektorynan 1 mln teńge kóleminde para aldy degen kúdikke ilindi.

"Bul is boıynsha da sotqa deıingi tergeý júrip jatyr. "Memsaraptama" kásiporynyń basshysyna bıýdjet qarjysyna jóndeýden ótken  1500 oryndyq mektep qurylysyn memlekettik saraptamadan ótkizý kezinde iri kólemde para aldy degen aıyp taǵyldy. Al seriktestik dırektory saraptama talaptaryn ózgertý úshin 1 mln teńge somasynda para bergen", deıdi  Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń ókilderi.

Sondaı-aq buǵan deıin oblystyq Sybaılas jemqorlyqqa qarsy is-qımyl departamenti Qarasaı aýdany ákiminiń orynbasary asa aýyr sybaılas jemqorlyq qylmysy úshin ustaǵan bolatyn. Ol sheneýnik te kásipkerden para alǵany úshin aıyptalyp otyr. Laýzymdy tulǵa "Jumyspen qamtýdyń jol kartasy-2020" baǵdarlamasy aıasynda jóndeýden ótýi tıis qurylys nysany boıynsha kelisim shartty rásimdeýý kezinde iri kólemde para tala petken. Atap aıtqanda, jalpy quny 660 mıllıon teńge bolatyn tapsyrysty qabyldaý úshin ákimniń orynbasary 33,5 mıllıon teńgeni zańsyz syıaqy retinde qaltaǵa baspaqshy bolypty.

О́kinishtisi, osy tektes taǵy bir qylmys Kerbulaq aýdanynda da tirkeldi. Arnaıy qyzmet aýdany ákimi apparatynyń basshysyn ustaǵan. Sotqa deıingi tergeý kezinde anyqtalǵandaı, sheneýnik jeke kásipkermen ymyralasyp, "Jumyspen qamtýdyń jol kartasy-2020" baǵdarlamasy boıynsha bólingen 5 mıllıon teńge kólemindegi bıýdjet qarajatyn jymqyrǵan eken.

 

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Indetten jazylǵandar sany 73 702-ge jetti

Koronavırýs • Búgin, 09:25

108 bala stasıonarda em qabyldap jatyr

Koronavırýs • Búgin, 09:20

Bir aptada koronavırýstan 211 adam kóz jumdy

Koronavırýs • Búgin, 09:15

Uqsas jańalyqtar