Oqıǵa • 09 Shilde, 2020

Eńbekteri elengen jandar

22 ret kórsetildi

Keshe Soltústik Qazaqstan oblysynyń ákimi jaman indetpen kúreste aldyńǵa shepte bolǵan bir top medısına qyzmetkerlerine Prezıdent Qasym-Jomart Toqaevtyń atynan memlekettik nagradalar tapsyrdy, dep habarlaıdy Egemen.kz

О́ziniń sózinde Qumar Aqsaqalov "Sizderdiń qajyrly eńbek etip jatqandaryńyzǵa mine, tórt aıdan asty. Búgingi kúni árbir medısına qyzmetkeri – janqııarlyqpen eńbek etýde. Sizder bizdiń ómirimizdi saqtap qalý jolynda eseli eńbek etip jatyrsyzdar. Barlyq el nazary sizderde. Sizderdiń eńbekterińizdiń arqasynda 545 adam jaman indetten táýir boldy. Bul naýqasqa ushyraǵandardyń úshten birinen artyǵy.

О́kinishke qaraı 87 medısınalyq qyzmetker indetti ózderine juqtyryp aldy, biz olardyń táýir bolyp ketýinen úmittimiz", dedi. Odan ári ákim jedel járdemniń qazir táýligine 30 shaqyrýǵa baratynyn aıtty. Al táýliktik norma 16 ǵana bolatyn. Ýchaskelik medısınalyq qyzmetkerler kúnine 800-den artyq sımptomsyz naýqastardy baqylaıdy. Sonymen birge ol osyǵan deıin ókpeni jasandy jolmen tazalaıtyn 5 apparat (IVL) alynǵanyn, endi taǵy da sondaı 20 apparat alynatynyn jetkizdi. Sondaı-aq bıyl taǵy da 18 jedel járdem mashınasy alynatyny belgili boldy. Sóziniń sońynda Qumar Irgebaıuly medısına qyzmetkerlerin quttyqtap: "Árqaısyńyz azamattardyń ómirin saqtap qalý jolynda bar kúsh-jigerlerińizdi jumsap jatqandaryńyz úshin qurmet pen alǵysqa laıyqsyzdar. Sizderge myqty densaýlyq, sáttilik, ıgilik jáne tózim tileımin", dedi.

Memlekettik nagradalar tómendegi azamattarǵa berildi: "Parasat" ordeni karantın bastalǵan alǵashqy kúnnen ınfeksııalyq bólimge aınaldyrylǵan Birinshi qalalyq aýrýhananyń bas dárigeri Botagóz Súleımenovaǵa, "Qurmet" ordeni dárigerler Abylaıhan Baıandınge, Alekseı Levsovqa,  aǵa medısınalyq bıke Natalıa Polısınaǵa berildi. "Eren eńbegi úshin" medali dárigerler Vıtalıı Avramenkonyń, Alfııa Gaıfýllınanyń,  Hııa Erdenovanyń jáne Tatıana Krasnovanyń tósine qadaldy. Al "Shapaǵat" medalimen aǵa medbıke Sáýle Jakına, dárigerler Baqytgúl Saparova, Rýslan Tólentaev nagradtaldy. Al Qazaqstan Respýblıkasynyń Qurmet gramotasy medbıke Ǵalııa Ábilovaǵa, feldsher Qýanysh Ahmetovke, dáriger Nına Kostıýchenkoǵa jáne "Jedel járdem" júrgizýshisi  Aleksandr Selıýtınge berildi.

 

Soltústik Qazaqstan oblysy

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Indetten jazylǵandar sany 73 702-ge jetti

Koronavırýs • Búgin, 09:25

108 bala stasıonarda em qabyldap jatyr

Koronavırýs • Búgin, 09:20

Bir aptada koronavırýstan 211 adam kóz jumdy

Koronavırýs • Búgin, 09:15

Týrnırge qatysýdan bas tartýda

Tennıs • Búgin, 08:18

Uqsas jańalyqtar