Prezıdent «ár qazaq meniń jalǵyzym» degendi áserli jetkize bildi. Úndeýde tapsyrmalar berilip qana qoımaı, indetten qaıtys bolǵan marqumdardyń otbasyna kóńil aıtylyp, 13 shilde Ulttyq aza tutý kúni dep jarııalandy. Bul da eńsesi túsken eldiń kóńiline medet. Búgingi kúni mańyzdy máselege aınalyp otyrǵan dári-dármek jetispeýshiligi máselesin sheshýge baǵyttalǵan naqty tapsyrmalar aıqyndaldy.
Ákimdikterdiń, mınıstrlikterdiń jumysynda kemshilikter bar ekenin jáne onyń eleýsiz qalmaıtyny, kinálilerdiń anyqtalyp, tıisti jazalanatyny belgili boldy. Bul meniń kóńilimnen shyqty.
Taǵy bir kóterilgen másele aldaǵy kúnderi indetke qarsy kúrestiń sheshýshi kezeńi ekeni eskertildi. Bul halyqtyń senimine oń áser etip otyr. Qarapaıym halyqqa jiger berip, jaqsylyq jarshysyndaı boldy. Sheshýshi kezeń degenniń ózi úlken úmitke bastaıdy. О́ıtkeni indetke qarsy kúreske memlekettik deńgeıde aýqymdy sharalardyń qolǵa alynatynyn bilý dál qazirgi kezde qoǵamǵa qajet edi. Mundaı sózder der kezinde, dál qajet ýaqytta aıtyldy dep esepteımin.
Zeıin ÁLIPBEK,
telejýrnalıst
