Elimizde karantın rejimi erte engizilip, saqtyq sharalary ýaqtyly jasaldy. Dese de qazirgi ýaqytta aýrý juqtyrǵan adamdardyń sany artyp barady. Biz birlikte kúsh biriktirsek ǵana bul qıyndyqtan qutylamyz. Densaýlyq saqtaý mınıstrligi alǵashqy kezeńnen bastap halyqqa aqparat berip otyrdy. Ketken kemshilikterdi ýaqyt tarazylaıdy.
Prezıdent: «Dárigerlerimiz buqaralyq aqparat quraldary arqyly azamattarǵa naqty, birizdi málimet berýi kerek. Dertti emdeýdiń neshe túrli joldaryn kórsetip, adamdardyń densaýlyǵyna qaýip tóndirýge bolmaıdy», dedi. Atalǵan bastamany halyq tolyq qoldaıtynyna senemin. О́ıtkeni em-dom ár naýqastyń yńǵaıyna beıimdelip, medısınalyq kórsetkishterine qaraı jasalýy kerek. Barlyq adam birdeı emes, jelide tarap ketken emdeý sharalary bireýge jaqqanymen, endi bireýge qaýip tóndirýi múmkin. Saladaǵy mamandardyń keńesine qulaq asqan jón.
Odan bólek, dáriger tapshylyǵyn sheshý úshin bilim júıesine de ózgeris engizilgeni jón. Jas mamandardy yntalandyryp, tyń jobalardy júzege asyrýǵa jol ashýǵa tıispiz. Medısınalyq kolledjder men joǵary oqý oryndarynda maman daıarlaýdy jiti baqylaýǵa alyp, sapasyn arttyrýymyz kerek. Dári tapshylyǵy da salaǵa reforma kerek ekenin kórsetti. Ár oblys ortalyǵynan dári óndirisi oryndarynyń negizi qalanýy tıis. Shetelden dári satyp alýdyń sońy tapshylyqqa ákeletinin kózimiz kórdi. Men úshin Qazaqstan Respýblıkasynyń ár azamatynyń ómiri qymbat. Endi osy baǵytta júıeli qyzmet atqarylsa degen úmitim bar. Elimiz aman, jurtymyz tynysh bolsyn!
Qarjaýbaı SARTQOJAULY,
«Otandastar qory» janyndaǵy Qoǵamdyq qabyldaý komıssııasynyń múshesi, jazýshy, túrkitanýshy
