Baıqaǵanymyzdaı, Prezıdent jaǵdaıǵa týra qarap, máseleni ashyq moıyndady. «Bizde bári jaqsy» degen belden basý joq. Osyǵan deıin de Memleket basshysynyń «aýrýyn jasyrmaı», shyndyqqa tike qaraı alatyn qasıetin talaı kórdik. Prezıdent kezinde qıyn jaǵdaıǵa tap bolǵan el turǵyndarynyń nesıe qaryzyn keshirýdi tapsyrdy. Jeke tabys salyǵyna qatysty da ońtaıly sheshimder qabyldady.
El halqy qıyndyqqa tap bolǵanda aıtylǵan sózder kóńilge demeý berdi, qoǵamdaǵy ózekti máselelerdiń sheshiletinine senim paıda boldy. Densaýlyq saqtaý júıesiniń indetke toıtarys berýge daıyn bolmaǵanyn aıtyp, osy másele boıynsha tergeý júrgizý jáne bul jaǵdaıdan sabaq alý qajettigin jetkizdi. Q.Toqaev aımaq basshylarynyń jibergen qatelikterine de tıisti baǵa beriletinin aıtty. Prezıdent usynǵan qadamdardan jaǵdaıdyń jiti baqylaýda ekeni anyq baıqalady. Bul erteńge degen senimdi odan saıyn kúsheıte túsedi. Prezıdenttiń halyqqa úndeýi tosynnan kelgen indetten abdyrap qalǵan turǵyndarǵa demeý bolǵany sózsiz. Qolǵa alynǵan sharalardyń tıimdi júzege asyp, nátıje bergenin asyǵa kútemiz.
Baýyrjan SERIKBAEV,
Eýrazııalyq ıntegrasııa ınstıtýtynyń sarapshysy
