Otyrysta eldegi shuǵyl sheshimdi talap etetin mynadaı jedel máseleler qaraldy:
óńirlerge dárilik zattardy jedel jetkizý úshin qajetti normatıvtik-quqyqtyq bazany qabyldaý;
qosymsha 1600 ókpeni jasandy jeldetý (О́JJ) apparatyn, jedel medısınalyq járdem qyzmetiniń 800 sanıtarlyq avtomashınasyn, sondaı-aq suranysqa asa ıe dárilik preparattardy (parasetamol, azıtromısın, seftrıakson, oseltamıvır jáne basqalar) satyp alý, olardy osy aptanyń sońyna deıin jetkizý kútiledi.
koronavırýspen kúreske tartylǵan medısına qyzmetkerlerine ústemeaqy tóleýdi jalǵastyrý.
Sondaı-aq Jedel shtabta Atyraý, Mańǵystaý, Batys Qazaqstan, Qaraǵandy oblystary men Nur-Sultan qalasyndaǵy sanıtarlyq-epıdemııalyq jaǵdaı jeke tártippen qaraldy.
О́ńirlerdiń árqaısysy boıynsha Densaýlyq saqtaý mınıstrligi problemalyq máselelerdi baıandap, qazirgi jaǵdaıdy jaqsartý boıynsha naqty sharalar ázirledi.
Jedel shtabta COVID-19 syrqattanýshylyǵynyń ósýine baılanysty Atyraý oblysyndaǵy qanaǵattanarlyqsyz sanıtarlyq-epıdemııalyq jaǵdaı erekshe atap ótildi.
Osyǵan baılanysty E.Toǵjanov Atyraý oblysynyń ákimdigine jaǵdaıdy jaqsartý boıynsha túbegeıli sharalar qabyldaý týraly, onyń ishinde qosymsha shekteý sharalaryn qoldaný týraly tapsyrma berdi.
Sondaı-aq Premer-Mınıstrdiń orynbasary óńirlerdiń ákimdikterine karantındik sharalardyń saqtalýyn múltiksiz baqylaýdy qamtamasyz etýdi, qysqa merzimde qosymsha ınfeksııalyq stasıonarlardy uıymdastyrýdy, qajetti jabdyqtardy (О́JJ, KT jáne t.b.), dárilik zattardy satyp alýdy, sondaı-aq zerthanalardyń PTR qýatyn arttyrýdy tapsyrdy.
«Biz ár óńirdegi jaǵdaıdy Jedel shtabtyń erekshe baqylaýynda ustaıtyn bolamyz. Biz jumysty kúndelikti negizde respýblıkalyq jáne óńirlik aýqymda tyńdap, naqty jedel sharalar qabyldaı otyryp jalǵastyramyz», dep qorytyndylady E.Toǵjanov.
