Túlkibas APB–ne jergilikti turǵyn aryzdanyp, túngi ýaqytta jazdyq úıinde turǵan birneshe qurylysqa qajetti qural-jabdyqtaryn (drel, bolgarka, svarka apparaty, benzopıla) belgisiz bireýdiń urlap ketkenin jetkizdi. Atalǵan jaıt QR QK-niń 188-babymen tirkeldi. Jábirlenýshige keltirilgen shyǵyn kólemi 200 000 teńgeni qurady.
Aýdandyq polıseıler qylmysty ashyp, kúdiktini ustaý maqsatynda tez arada áreket etti. Tájirıbeli polısııa qyzmetkerleri birqatar jedel is-shara júrgizý barysynda kúdiktiniń jeke-basy anyqtaldy.
Polıseıler qylmystyń izin-sýytpaı bir táýlik ishinde ashyp, kúdiktini ustady. Ol jábirlenýshiniń tanysy bolyp shyqty. Osylaısha buryn sotty bolǵan, Shymkent qalasynyń turǵyny Túlkibas APB-ne jetkizildi.
Tergeý barysynda anyqtalǵandaı, kúdikti qurylys jabdyqtaryn urlaǵan soń, onyń jarty bóligin 30 000 teńgege satyp jibergen. Bas sharasy qolhatpen bosatyldy. Qazirgi tańda “Urlyq” babymen sotqa deıingi trgeý amaldary júrgizilip jatyr.
