Úkimet • 10 Shilde, 2020

Úkimet 2020 jyldyń birinshi jartyjyldyǵyndaǵy áleýmettik-ekonomıkalyq damý qorytyndysyn shyǵardy

37 ret kórsetildi

QR Prezıdenti Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda QR Premer-Mınıstri Asqar Mamın elimizdiń 2020 jyldyń birinshi jartyjyldyǵyndaǵy áleýmettik-ekonomıkalyq damý qorytyndysy jáne ekonomıkany odan ári damytý boıynsha qabyldanyp jatqan sharalar týraly baıandady, - dep habarlaıdy Egemen.kz QR Premer-Mınıstriniń Baspasóz qyzmetine silteme jasap. 

Úkimet basshysy jahandyq teris yqpaldardyń aıasynda bıyl birinshi jartyjyldyqta Qazaqstannyń JIО́ 1,8%-ǵa tómendegenin atap ótti. Bul rette ekonomıkanyń naqty sektorynda turaqty ósim baıqalǵan. Taýarlar óndirisi 4,1%-ǵa ósken. 

Negizgi draıverler qurylys (+11,2%) jáne óńdeý ónerkásibi (+4,8%) boldy, olardyń ósimi avtomobıl jasaý (46%), farmasevtıka (24%), daıyn metall ónimderin óndirý (20%), jeńil ónerkásip (8%), rezına jáne plastmassa buıymdarynyń (8%) jáne qaǵaz óndirisi (15%) esebinen qamtamasyz etildi.  Sonymen qatar taý-ken óndirisi ónerkásibinde (2,2%) oń dınamıka baıqaldy. Elimiz boıynsha turǵyn úılerdi paıdalanýǵa berý 7,3%-ǵa ósti. Degenmen, tótenshe jaǵdaı rejımi men karantındik shekteý sharalaryn engizý aıasynda bıylǵy 6 aıda qyzmet kórsetý sektorynda 5,6%-ǵa tómendeý baıqalǵan. Jyldyq ınflıasııa 7% qurady. 

Elimiz boıynsha áleýmettik-ekonomıkalyq damýdyń barlyq negizgi kórsetkishteri boıynsha ortashadan joǵary deńgeıdegi ósim Qaraǵandy, Soltústik Qazaqstan oblystarynda qamtamasyz etildi. Qostanaı, Almaty, Jambyl, Aqmola, Shyǵys Qazaqstan oblystarynda, sondaı-aq Nur-Sultan jáne Almaty qalalarynda barlyq negizgi kórsetkishterdiń oń ekeni baıqaldy, Batys Qazaqstan, Túrkistan jáne Aqtóbe oblystarynda, sondaı-aq Shymkent qalasynda jekelegen kórsetkishterdiń teris ekeni baıqaldy. Qyzylorda, Atyraý, Pavlodar jáne Mańǵystaý oblystary kóptegen kórsetkishter boıynsha ortasha respýblıkalyq deńgeıden artta qalǵan.  

"Qazirgi kezde Úkimettiń negizgi mindeti – koronavırýs indetiniń jáne jahandyq daǵdarystyń teris saldaryn joıý, elimizde jumyspen qamtýdy qoldaý. Osy maqsatta aýqymdy sharalar qabyldanyp jatyr", — dedi A. Mamın.

Úkimet basshysy tótenshe jaǵdaı kezeńinde ekonomıkany turaqtandyrý jáne turǵyndardy qoldaý boıynsha jedel jáne shuǵyl sharalardyń 2 toptamasy (bıylǵy 23 jáne 30 naýryzda) qabyldanǵanyn atap aıtty. 2020 jyldyń sońyna deıin Ekonomıkalyq ósimdi qalpyna keltirý jónindegi keshendi jospar aıasynda turǵyndardyń iskerlik belsendiligin yntalandyrýǵa, jumyspen qamtýdy jáne tabysyn qoldaýǵa baǵyttalǵan naqty salalyq sharalar iske asyrylýda. Jańa redaksııasynda 2025 jylǵa deıingi strategııalyq jospardy ázirleý jumysy júrgizilýde, ol elimizdiń ortasha merzimdi perspektıvaǵa arnalǵan jańa ekonomıkalyq baǵytynyń negizgi baǵdarlaryn aıqyndaıdy.

Jumyspen qamtýdyń jol kartasy men memlekettik baǵdarlamalardy júzege asyrý aıasynda jumyspen qamtýdy qalyptastyrý sharalarymen 1,2 mln-nan astam azamat qamtyldy. Jumyspen qamtýdyń jańa jol kartasy boıynsha 6,5 myń jobanyń 6,1 myńnan astamy iske asyryla bastady, 146 myń adam jumysqa ornalastyryldy. 5,5 myń shaqyrym respýblıkalyq jáne 4 myń shaqyrym jergilikti joldardyń qurylysy men rekonstrýksııasy júrgizilýde. Osy jyldyń 6 aıynda 800 shaqyrym sýmen jabdyqtaý jáne sý burý jelileri rekonstrýksııalandy, 13,7 mlrd teńge somasyna óńirlerdi gazdandyrý boıynsha 21 joba iske asyrylyp jatyr.

Indýstrııalandyrý kartasy aıasynda bıyl otyn-energetıka jáne agroónerkásiptik keshenderde, metallýrgııa, hımııa jáne jeńil ónerkásipte, qurylys ındýstrııasynda, mashına jasaý jáne farmasevtıka salalarynda 1,1 trln teńge somasyna 160 joba júzege asyrylady.

Jartyjyldyqtyń qorytyndysy boıynsha aýyl sharýashylyǵy salasyndaǵy negizgi kapıtalǵa salynǵan ınvestısııa kólemi ótken jyldyń sáıkes kezeńimen salystyrǵanda 19%-ǵa 232 mlrd teńgege deıin, qaıta óńdeýge 16,6%-ǵa 40 mlrd teńgege deıin ósti. Osy jyly aýyl sharýashylyǵy daqyldarynyń jalpy egis kólemi 22,5 mln gektarǵa deıin jetkizildi. Bıylǵy 6 aıda aýyl sharýashylyǵy ónimderiniń naqty kólemindegi eksporty 14,9%-ǵa, 4,7 mln tonnadan 5,4 mln tonnaǵa deıin artty. Sýmen qamtamasyz etýdi arttyrý jáne qalpyna keltirý jobalaryn iske asyrýdyń nátıjesinde sýarmaly jerlerdiń jalpy kólemi 2020 jylǵy 1,5 mln ga-dan 2022 jyly 2 mln ga-ǵa deıin ulǵaıady.

Qazaqstannyń jahandyq data-hab retinde damýy aıasynda 110 mlrd teńgeden astam tartylǵan ınvestısııalarmen 32 dástúrli jáne 17 iri taý-ken derekterdi óńdeý ortalyǵy salyndy. 2024 jylǵa deıin 633 mlrd teńgege qosymsha ınvestısııa tartý jáne 2000 jańa jumys ornyn ashý kózdelgen.

Premer-Mınıstr Úkimet bızneske salyqtyq júktemeni jeńildetýmen jáne bıýdjet shyǵystaryn ekonomıkalyq belsendilikti qoldaýǵa baǵyttaı otyryp, kontrsıkldi makroekonomıkalyq saıasatty iske asyrýdy jalǵastyratynyn atap ótti. Adamı kapıtaldy damytý, ınstıtýsıonaldyq reformalardy iske asyrý jónindegi jumystar jalǵastyrylady, tikeleı sheteldik ınvestısııalardy jappaı tartý jáne sıfrlyq ınfraqurylymdy damytý úshin jaǵdaılar jasalady.

"Úkimet ekonomıkany turaqtandyrý, jumyspen qamtý deńgeıiniń turaqtylyǵyn qamtamasyz etý jáne halyqtyń tabysyn qoldaý jónindegi mindetterdi sheshýge baǵyttalǵan barlyq qajetti sharalardy qabyldaıdy", — dedi A. Mamın.

Sońǵy jańalyqtar

COVID-19: Nemis jurty kúres ústinde

Koronavırýs • Búgin, 13:05

COVID-19: Meksıkada aýrý azaımaı tur

Koronavırýs • Búgin, 12:34

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Tulǵa týǵan topyraq

Qoǵam • Búgin, 06:39

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Alash balasyna ardaqty kún

Abaı • Búgin, 05:42

Qazaqtyń rýhanı qubylasy

Abaı • Búgin, 05:34

Uqsas jańalyqtar