Aımaqtar • 10 Shilde, 2020

О́ńir jaman indetke qaramaı órkendep keledi

45 ret kórsetildi

Keshe Soltústik Qazaqstan oblysynyń ákimi Qumar Aqsaqalovtyń tóraǵalyǵymen ekonomıkalyq máseleler boıynsha alǵashqy jartyjyldyqty qorytyndylaǵan ınvestjobalardyń aımaqtyq keńesiniń otyrysy bolyp ótti.

Jıyndy ashqan sózinde oblys ákimi ekonomıkanyń basty salalarynyń bárinde ósim baryn atap ótti. Oblystyń bıýdjeti jyldyń basynda 262 mlrd. teńgeni qurasa alty aıda 24 paıyzǵa artyp, qazir 324 mlrd. teńgege jetken. Bul 2019 jyldyń sáıkes merzimimen salystyrǵanda 58 paıyzǵa artyq.  Jarty jylda oblys ekonomıkasyna 108 mlrd. teńge ınvestısııa tartylǵan, bul byltyrǵy jyldyń sáıkes merzimimen salystyrǵanda 23,4 paıyzǵa artyq.

Aýylsharýashylyǵynyń órkendeýi boıynsha baıandama jasaǵan oblys ákiminiń birinshi orynbasary Marat Tasmaǵanbetov sońǵy úsh jylda aýylsharýashylyǵyna salynǵan ınvestısııa kólemi 1,5 ese artyp, 107,6 mlrd. teńgege jetkenin aıtty. Aýylsharýashylyǵy aımaqtaǵy jalpy ónimniń tórtten birin beredi. Oblysqa tartylǵan barlyq ınvestısııanyń da 54 paıyzy osy salaǵa tıesili. Qazir aýylsharýashylyǵyna ınvestısııa tartý jóninen oblys respýblıka boıynsha eń aldyńǵy orynda. Sońǵy eki jylda 7 taýarly-sút keshenderi salyndy. Osyndaı keshenderdiń taǵy da on danasyn salý kózdelgen. Sóıtip, sút óndirý kólemin 30 myń tonnaǵa jetkizý josparlanǵan.  Marat Imanbaıuly odan ári et ónimderin shyǵarýmen, jumyrtqa ósirýmen aınalysatyn keshenderdiń jumystaryna toqtaldy.

О́ńirdegi qurylys qarqyny boıynsha baıandama jasaǵan ákimniń orynbasary Anton Fedıaev aldymen 100 mlrd. teńgeniń jobasy bolyp otyrǵan, túrik kompanııasy turǵyzyp jatqan kópfýnksıonaldy aýrýhanaǵa toqtaldy. Bıyl onyń irgetasyn qalaý jumysy tolyq aıaqtalady. Qazir qurylysta 70 adam jumys isteýde. Sonymen qatar A.Fedıaev basqa qurylystarǵa da toqtaldy. Onyń sózinen Qyzyljar qalasynda turǵyn úı qurylysy qazir qarqyndy júrgizilýde ekendigi aıtyldy. Bıyl 12 myń soltústikqazaqstandyq jańa úılerge kóshpekshi.

О́nerkásip barysy jóninde baıandaǵan oblys ákiminiń orynbasary Dáýren Jandarbek qazir 637,2 mlrd teńgeniń 73 jobasy monıtorıngtilenýde ekenin aıtty. Sonyń ishinde EEA úsh joba qolǵa alynyp, iske asyryla bastaǵan. Sonymen birge oblys aýmaǵynda eki birdeı volfram qory bar ekendigi belgili boldy. Ony óndirý qolǵa alynsa Soltústik Qazaqstan ónerkásibi tipti alǵa baspaq. Ázirge, jyl aıaǵyna deıin 287 mlrd. teńge ınvestısııa tartý josparlanyp otyr.

Soltústik Qazaqstan oblysy

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar