Aımaqtar • 10 Shilde, 2020

Petropavlda avtobýs júrgizýshisi kúdiktini ustaýǵa kómektesti

33 ret kórsetildi

Oqıǵa №8 marshrýtynyń sońǵy aıaldamasynda oryn alǵan. Avtobýs jolaýshylarynyń biri salonnan shyqpaı qalyp, júrgizýshi syrtqa shyǵyp ketkende jınalǵan jol aqyny qoldy qylǵan. Bul týraly Polisia.kz-ke silteme jasaı otyryp Egemen.kz habarlaıdy.

Jábirlenýshiniń aıtýynsha, shyǵyn somasy 13 myń teńgeni quraıdy. Júrgizýshi salonda izin sýytpaq bolǵan bógde adamdy baıqap qalyp toqtatqan jáne polısııa shaqyrǵan. Atalǵan fakti QR Qylmystyq kodeksiniń 188-baby 3-bóligi "Urlyq" boıynsha sotqa deıingi tergep-tekserýdiń biryńǵaı tizilimine engizildi.

Kúdikti – buryn sottalǵan 39 jasar qala turǵyny. Tergeý kezinde onyń buryn avtobýsta jasalǵan urlyqqa qatysy anyqtaldy, qasqóı ol kezde de kabınada júrgizýshiniń bolmaǵanyn paıdalanyp, ashyq turǵan terezeden aqsha jymqyrǵan.

О́tken joly ol shamamen 15 myń teńge oljalaǵan. "Avtobýs marshrýttary krımınaldyq polısııa qyzmetkerleriniń erekshe nazarynda. 2019 jylǵy aqpanda polıseıler men qoǵamdyq kólik uıymy ókilderiniń keńesinen keıin qalalyq marshrýttardyń basym bóliginde beıne baqylaý kameralary ornatylyp, olardyń kómegimen birneshe qylmystyń beti ashyldy.

Budan bólek, WhatsApp messendjerinde jasalǵan quqyq buzýshylyqtar, iz-túzsiz joǵalǵandardy izdestirý boıynsha polıseıler men júrgizýshilerge aqparatpen jedel almasýǵa múmkindik beretin chat jumys isteıdi. Qoǵamdyq kólik salasynyń qyzmetkerleri quqyqtyq tártipti nyǵaıtýǵa eleýli úlesterin qosady", dedi Petropavl qalasynyń Polısııa basqarmasy krımınaldyq polısııa bólimi bastyǵynyń orynbasary Erbolat Qaptaev.

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar