Aımaqtar • 10 Shilde, 2020

Bıylǵy 6 aıda elimizdiń teńiz porttarynda 3 mln. tonna júk tıeldi

1 ret kórsetildi

Osy jyldyń birinshi jartyjyldyǵynda elimizdiń teńiz porttary arqyly 3 mln. tonna júk aýystyryp tıeldi. Bul - ótken jyldyń osy kezeńindegi kórsetkishke teń, - dep habarlaıdy Egemen.kz  

Osy rette teńiz porttarynda júk tasıtyn avtokólik quraldaryn aýystyryp tıeý kólemi 53 % artqan. Iаǵnı, ol kórsetkish 2019 jyldyń alǵashqy 6 aıynda 3171 bolsa, bıyl 4865-ke jetti. 

Sondaı-aq, konteınerlerdi aýystyryp tıeýde oń dınamıka baıqaldy. Bul kórsetkish 16 % ósip, 13 867 birlikti qurady.

Esepti kezeńde otandyq saýda flotymen Kaspıı teńizindegi porttar arasynda 1,14 mln.tonna júk tasymaldandy. Onyń ishinde 6 538  konteıner Aqtaý – Baký fıder jelisiniń úlesinde. 

Bıyl birinshi jartyjyldyqtyń qorytyndysy boıynsha ishki sý joldary boıynsha tasymaldaý kólemi 191,5 myń tonnany qurap, 2019 jylǵy kórsetkishten 7,8% ósti. Onyń ishinde 97,9 myń tonna Reseı baǵytynda.

Shlıýzderdi kúrdeli jóndeý sheńberinde aýdany 5 813 m2 temir-beton qurylymdaryna jóndeý júrgizildi.

Kaspıı baǵytyndaǵy áleýetti odan ári arttyrý sheńberinde jańa teńiz baǵyttaryn ashý, Aqtaý teńiz portynda konteınerlik  hab qurý, eksporttyq júkterdiń bir bóligin Quryq portyna qaıta baǵdarlaý pysyqtalyp jatyr.

Sondaı-aq, Keme qatynasy týraly kelisimdi jáne Sýǵa batqan kemelerdi kóterý jónindegi Naırobı konvensııasyn ratıfıkasııalaý boıynsha memleketishilik rásimderdi aıaqtaý josparlanyp otyr. 

Ishki sý joldarynda keme qatynasyn damytý maqsatynda qazirgi ýaqytta tıisti Tujyrymdamany ázirleý boıynsha jumystar júrgizilýde.

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar