Koronavırýs • 10 Shilde, 2020

Qazir tek ómir men ólim bar - Bas sanıtar

71 ret kórsetildi

Bas memlekettik sanıtar dárigeri Aıjan Esmaǵambetova  Almaty oblysynyń bas sanıtar dárigeri Qaırat Baımuhambetov qaıtys bolǵannan keıin qazaqstandyqtarǵa úndeý jasady, - dep habarlaıdy Egemen.kz tilshisi tengrinews.kz saıtyna silteme jasap. 

"Kún saıyn tańerteńnen bastap COVID-19-dan qaıtys bolǵan otandastarymyz týraly málimet alǵanda júregim qansyraıdy, kózime jas tolady. Biraq búgingi jańalyq, Almaty oblysynyń bas memlekettik sanıtar dárigeri Baımuhambetov Qaırat Qajymanuly ómirden ótkeni erekshe aýyr tıdi. Qaırat Qajymanulymen 15 jyldan astam ýaqyt boıy tanyspyn, birge jumys istedik.

 О́ziniń otyz jyldyq karerasynda ol temirjol beketindegi sanıtar dárigerden bastap búkil aımaqtyń SES qyzmetiniń basshysyna deıin kóterildi, birqatar kúrdeli aımaqtarda: Aqmola oblysy, Qaraǵandy oblysy, Almaty, Almaty oblysynda sanepıdqyzmetterdi basqardy, jumys istedi jáne naǵyz mamandardy tárbıelep shyqty, sonymen qatar, Otanyn sheksiz súıetin meıirimdi, qaıyrymdy adam bolyp qaldy", - dep jazdy Aıjan Esmaǵambetova Facebook-te.

Ol pandemııa kezinde vırýsty ózi juqtyryp alý qaýipine qaramastan aýrýǵa qarsy is-qımylǵa belsendi qatysyp, aýrýhana, stasıonarlarǵa barǵanyn jáne pasıenttermen baılanysqanyn atap ótti. Aıtýynsha, barlyq saqtyq sharasyna qaramastan, vırýs ony da aıamady.

"Ol tipti aýrýhanada jatqanda saýyǵyp shyǵatynyna sengen jáne jaǵdaıy nasharlaǵansha qyzmet jumysyn basqardy.

Onyń jary, balalaryna jáne jaqyndaryna kóńil aıtý úshin sóz jetpeıdi. Eldiń barlyq sanıtar-epıdemıologııalyq qyzmeti sizdermen birge qaıǵyrady. Qaırat Qajymanuly bizdiń júregimizde máńgi qalady. Jatqan jeri jaıly bolsyn!

Meniń qymbatty otandastarym. Sizderden karantın saqtaýlaryńyzdy suraımyn, ózińizdi jáne densaýlyǵyńyzdy saqtańyzdar. Qazir toı, qudalyq nemese qandaı da bir dástúrli meıramdy ótkizbegenimiz uıat emes. Qazir tek ómir men ólim bar, adam ketip qalǵanda birdeńe isteý kesh", - dedi ol.

 

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Alash balasyna ardaqty kún

Abaı • Búgin, 06:42

Tulǵa týǵan topyraq

Qoǵam • Búgin, 06:39

Qazaqtyń rýhanı qubylasy

Abaı • Búgin, 06:34

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Qyzylordada ınternet-alaıaq quryqtaldy

Tehnologııa • 08 Tamyz, 2020

Uqsas jańalyqtar