Ekologııa • 11 Shilde, 2020

Murat Ábenov: "Ulttyq parkterge jaýaptylyǵy joǵary ınvestorlar kerek"

13 ret kórsetildi

Qoǵam belsendisiniń sózinshe, ekologııalyq máselelerdiń qordalanyp qalýyna taǵy bir sebep - ulttyq parkterdi sharýashylyq turǵydan durys basqarý jáne jónge keltirý tetiginiń bolmaýy.

"Jaqynda biz Almaty irgesindegi             Ile-Alataýy ulttyq parkinde boldyq. Ol jer qazir qoqysqa tolyp jatyr. Sanaýly ǵana qoryqshy ol jerdi qoqystan tazartyp úlgermeıdi. Eger de osyndaı jerlerdi jaýaptylyǵy joǵary ınvestorlarǵa basqarýǵa beretin bolsaq, meniń oıymsha, eldegi barlyq tabıǵı aýmaqtardaǵy qoqys máselesin ońaı sheshýge bolar edi. Sondaı-aq, ekologııalyq mádenıettti arttyrý da úlken mańyzǵa ıe. Qazir dál osy ekologııalyq mádenıetimizdiń tómendiginen biz qoqystardy qalaı bolsa, solaı shasha salamyz. Jasyl tehnologııalardy tolyqtaı engizbeı otyrmyz. Zamanaýı demalys oryndaryn ashýǵa qarsy shyǵyp otyrmyz.  Ulttyq parkterge qajetti ınfraqurylymdardy saldyrýǵa kedergi bolyp otyrmyz. Keı adamdar ulttyq parkke tıispeseńder, ol jerde bári jaqsy bolady dep oılaıdy. Biraq, shyn máninde, bul olaı emes", - deıdi Murat Ábenov. 

Onyń aıtýynsha, kóptegen aýmaqtardyń kútimsiz, jóndeýsiz turýynyń bir sebebi - qojaıyndarynyń joqtyǵy. Bul ásirese demalys oryndary, tabıǵı aımaqtarǵa qatysty. 

"Men sońǵy jyldary Ekologııa mınıstrligi júıeli túrde aınalysyp júrgen osy máselelerdi Úkimettiń keńeıtilgen otyrysynda Prezıdent óz aýyzymen aıtyp, tapsyrmalar bergenine qýanyp qaldym. Buǵan deıin bul máseleler kommýnaldyq sharýashylyq mekemeleriniń deńgeıinde ǵana atqarylyp kelgen. Salada júıe joq bolatyn. Qalalardyń mańynda zańsyz iri qoqys oryndary kóp. Medısınalyq qaldyqtar da shashylyp jatyr. Osy oraıda, biz qoqysty jınaýshylardy ǵana emes, ony óńdeýshilerdi de yntalandyra bilýimiz kerek. Bul sharalardy zańmen bekitý qajet. Depozıttik júıe, qoqys órteýshi zaýyttar, qaldyqtardy qaıta óńdeýshilerdi qarjylandyrý máselelerin de esten shyǵarmaıyq. Tek sol kezde ǵana qoqystyń máselesi tıimdi sheshiledi. Sondaı-aq, zańsyz qoqys tasymaldaýshylarǵa qatysty jaýapkershilikti kúsheıtý kerek. Qoqys tasymaldaýshylarǵa elektrondy baqylaý qurylǵylaryn ornatý qajet. О́ıtkeni, ár bir kólikti polıseılerge baqylatyp qoıý múmkin emes", - dedi qoǵam belsendisi.

Sondaı-aq, ol Prezıdent mektep qabyrǵasynan bastap, balalarǵa ekologııalyq bilim berýdiń mańyzdylyǵyn atap ótkeni óte oryndy ekenin basa aıtty.

"О́ıtkeni, ekologııalyq mádenıetti jastaıynan qalyptastyrmasa, eseıgende kesh bolady»,- dedi M. Ábenov. Qazir Ekologııa mınıstrligi «О́ndirýshilerdiń keńeıtilgen jaýapkershiligi operatorlarymen» birlesip, mektepterde ekologııalyq saǵattar ótkizedi. Qoqysty qalaı jınaý kerek ekendigin kórsetedi. Muny kórgen balalar máseleniń mańyzdylyǵyna kóńil bólip, ata-analaryna aıta bastaǵan. Keıin olar da bul máselege jaýapkershilik tanytýdy ádetke aınaldyrdy", - dedi ol. 

Sońǵy jańalyqtar

COVID-19: Túrkııadaǵy indetpen kúres

Koronavırýs • Búgin, 14:57

COVID-19: Latyn Amerıkasy lapyldap jatyr

Koronavırýs • Búgin, 14:14

Afrıkany kezgen COVID-19

Koronavırýs • Búgin, 13:36

Dollardyń búgingi baǵamy belgili boldy

Ekonomıka • Búgin, 12:15

Atyraýda karantın talaby ózgerdi

Aımaqtar • Búgin, 11:43

SpaceX alǵashqy ­sapardan oraldy

Oqıǵa • Búgin, 08:24

Jańa aýrýhana salynyp jatyr

Aımaqtar • Búgin, 08:16

Jyly sózi dem, dárisi em berdi

Qoǵam • Búgin, 08:14

Aq halattylarǵa alǵysym sheksiz

Pikir • Búgin, 08:11

Kúrish alqaby sýsyz qalmaýy tıis

Qoǵam • Búgin, 08:02

869 quqyq buzýshylyq anyqtaldy

Saıasat • Búgin, 08:00

Jerlesimiz jeńiske jetti

Kásipqoı boks • Búgin, 07:50

Úzdik bapker anyqtaldy

Fýtbol • Búgin, 07:47

Olımpıadaǵa irikteý týrnıri bastalady

Jeńil atletıka • Búgin, 07:46

Shańǵy koroli 75 jasta

Sport • Búgin, 07:44

Hankóldiń aspanynda «ushqan adam»

Oqıǵa • Búgin, 07:37

Munaıshy syılaǵan jádiger

Aımaqtar • Búgin, 07:35

Kenjebaevtyń renishi oryndy ma?

Sport • Búgin, 07:32

COVID-19: toqshylyq pen joqshylyq

Ekonomıka • Búgin, 07:21

Uqsas jańalyqtar