Qashyqtyqtan bilim berý – oqytýdyń aıryqsha tehnologııasy degen sóz emes, bul eń birinshi kezekte «aýdıtorııada ǵana oqý» sekildi qalyptasqan qasań túsiniktiń tar aýqymynan shyǵýǵa múmkindik beredi.
Sondyqtan, respýblıkamyzdyń túkpir-túkpirindegi ortalyqqa qarasty tilderdi damytý, oqytý ortalyqtarynyń qazirgi qashyqtyqtan oqytý rejimi týraly izdenisin pandemııa jaǵdaıyndaǵy eriksiz májbúrlik dep emes, qaıta osy shekke deıin bul salada jınaqtalǵan mol tájirıbeni keńinen qoldanýdyń jan-jaqty múmkindigi retinde qabyldaýǵa bolady.
Osy sala boıynsha qyzmet jasaıtyn 98 oqytý ortalyǵy búgingi tańda qashyqtan oqytý úrdisin "Qashyqtan oqyp, til úıren" aksııasy aıasynda jalǵastyryp otyr.
Árbir jergilikti jerdiń baılanys múmkindigi eskerilip, ynta bildirýshiniń yńǵaıyna qaraı tańdaý erki qarastyrylǵan. ZOOM, Whatsapp, Skype, Google Classroom, Telegram, Instagram platformalary arqyly tikeleı onlaın sabaqqa qatysyp, onlaın sabaq jazbasyn alý múmkindigine ıe. Tildi óz erkimen úırengisi keletin azamattarǵa arnalǵan Tilqural.kz saıty jumys jasaıdy. Elektrondy oqý quraldaryn, qajetti aqparatty elektrondy poshtamen alýǵa bolady.
Oqytý ortalyqtarynyń tájirıbeli, bilikti oqytýshylary ınnovasııalyq tehnologııalardy, ádisterdi paıdalana otyryp, qyzyqty ári paıdaly dáris júrgizetin bolady.
