Qazaqstan • 12 Shilde, 2020

Elordada kópir astynda jańa art-keńistik paıda boldy

42 ret kórsetildi

Kópir aýmaǵy qala turǵyndary úshin kórikti oryndardyń birine aınaldy, dep habarlaıdy Nur-Sultan ákimdiginiń resmı saıty.

Arqar kópiriniń astyndaǵy alań Nur-Sultannyń turǵyndary men qonaqtary úshin kórikti orynnyń birine aınaldy. Onda jańa art-ınstallıasııalar, gúlzarlar, jaıaý júrginshiler, velosıped joldary jáne basketbol alańdary salyndy. Bul qoǵamdyq oryndardy jańǵyrtýdyń taǵy bir úlgisi, dep jazdy óziniń Instagram paraqshasynda Ýrbanıstıka ortalyǵynyń jetekshisi Elnar Bazyken.

"Buryn kópir qurylysy Trıatlon men Prezıdent saıabaǵyn bir-birinen bólip turǵandaı kórinetin. Qazir jańa keńistik qalalyq qaýymdastyqtardy biriktirdi", – dedi E.Bazyken.

Sondaı-aq ol nysan óz atmosferasyn qalyptastyryp, qala turǵyndary arasynda shyǵarmashylyq klasterdiń damýyna yqpal etetinin atap ótti.

"Bul jerdiń shaǵyn bıznes úshin áleýeti joǵary ekenin atap ótken jón. Eki saıabaqtyń jaıaý júrginshi men velosıped joly bar jalǵyz baılanysy ekenin eskersek, bul oryn qoǵamdyq tamaqtaný oryndaryna tamasha jaǵdaı jasaıdy. Bul óz kezeginde jańa jumys oryndaryn ashýǵa yqpal etip, áleýmettik belsendilikti arttyrady", – dedi E.Bazyken.

Qazirgi ýaqytta oryndy retke keltirý jalǵasýda. Jańa nysandar bos qalǵan aýmaqqa barǵan saıyn kóbirek adamdardy tartady. Sondaı-aq munda átkenshek-oryndyqtar, basketbolǵa arnalǵan ilmekter jáne eki strıtbol alańy paıda boldy.

Osy jyly barlyǵy 50 qoǵamdyq oryn (saıabaqtar, alańdar, býlvarlar) jáne 150-ge jýyq aýla abattandyrylady. Aýlalar men qoǵamdyq oryndar "Nur-Sultan – turǵyndarǵa jaıly qala" atty elordany odan ári damytý josparynyń tujyrymdamasy aıasynda abattandyrylýda.

Sońǵy jańalyqtar

Para alǵany úshin qyzmetinen qýyldy

Aımaqtar • Búgin, 22:37

23 myń almatylyq jumysqa ornalasty

Qoǵam • Búgin, 22:18

Burynǵy senator qaıta saılandy

Parlament • Búgin, 21:52

Elektrondy qyzmet úlesi ósti

Tehnologııa • Búgin, 21:20

Shymkentte karantın talaptaryna ózgerister engizildi 

Ońtústik Qazaqstan • Búgin, 21:05

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar