Aımaqtar • 13 Shilde, 2020

Qaraǵandyda daýyl shatyrlardy ushyryp, aǵashtardy qulatty

10 ret kórsetildi

Kenshiler astanasynda aıaq astynan turǵan kúshti daýyldan keıbir ǵımarattardyń shatyry ushyp, aǵashtar qulady. Elektr jelileri úzilip, oblys ortalyǵynyń birqatar aýdandary jaryqsyz qaldy, dep habarlaıdy Egemen.kz oblys ákiminiń baspasóz qyzmetine silteme jasap.

Tabıǵattyń tosyn minezinen Temirtaý qalasy da zardap shekti. Eki qalada da ǵımarattardyń tóbesinen qulaǵan qańyltyr shatyr avtoturaqta turǵan kólikterdiń ústine túsip, olarǵa eleýli zaqym keltirdi.

Daýyl jáne ile-shala bolǵan nóser jańbyrdan keıin kommýnaldyq qyzmetter men tótenshe jaǵdaılar qyzmetiniń qutqarýshylary birden iske kirisip, apattyń saldarymen kúresti shuǵyl túrde uıymdastyrdy. Keltirilgen naqty zaqymdar men zardaptardyń aýqymy anyqtalý ústinde.

Qazirgi ýaqytta Qaraǵandy qalasy boıynsha elektr qýaty Ońtústik-Shyǵys yqsham aýdanynda, ishinara Maıqudyq, Prıshahtınsk jáne Suryptaýeldi mekenderinde qalpyna keltirildi.

R

Joǵary kerneýli jelilerdiń úzilýine baılanysty oblys ortalyǵyndaǵy Mıhaılovka, Fedorovka jáne Prıshahtınsk eldi mekenderindegi jeke sektorlarǵa elektr qýaty tańǵa qaraı berilip qalýy múmkin. Qazirgi ýaqytta arnaıy brıgada bul jerlerde apat saldaryn joıýmen aınalysyp jatyr.

Al qaladaǵy jaryqsyz qalǵan aýrýhanalar apattyq jaǵdaılarǵa arnalǵan qýat kózderineqosyldy.

Sońǵy jańalyqtar

Bıyl úlken astyqqa oraq erte tústi

Aımaqtar • Búgin, 18:05

KASE-niń jańa mindetteri aıqyndaldy

Ekonomıka • Búgin, 15:25

Ury alysqa uzamady

Aımaqtar • Búgin, 14:46

Dollardyń búgingi baǵamy belgili boldy

Ekonomıka • Búgin, 11:40

Uqsas jańalyqtar