Oqıǵa • 13 Shilde, 2020

Senat Tóraǵasy koronavırýstan kóz jumǵan otbasylarǵa kóńil aıtty

102 ret kórsetildi

Senat Tóraǵasy Máýlen Áshimbaev:  "Memleket basshysy koronavırýs indetinen qaıtys bolǵan azamattardy eske alý úshin 13 shildeni Ulttyq aza tutý kúni dep jarııalaǵany belgili. Soǵan baılanysty búgin barsha Qazaqstan halqy aza tutýda", deıin óziniń Facebook paraqshasynda. ⠀

О́kinishke qaraı, pandemııa saldarynan kóz jumǵan jandardyń qatarynda eldik muratty tý etken arystaı azamattarymyz, zııaly qaýym ókilderi, memleket jáne qoǵam qaıratkerleri, sondaı-aq, ózgeniń ómiri úshin sońǵy sátke deıin kúresip ótken dárigerlerimiz bar. Biz úshin dúnıeden ozǵan ár otandasymyzdyń orny bólek.⁣⁣⠀

⁣⁣⠀

Osyǵan oraı indetten qaza tapqandardyń týystary men jaqyndaryna orny tolmas qaıǵylaryna ortaqtasyp, kóńil aıtamyn. Endi eshqashan mundaı qaraly kún bolmasyn! Elimiz aman, jurtymyz tynysh bolsyn!⁣⁣⠀

⁣⁣⠀

Biz qabyldanǵan sharalardyń arqasynda pandemııanyń taralýyna toıtarys berip, indetti aýyzdyqtaımyz dep senemiz. Qazaq – san qıly tarıhynda budan da aýyr synaqtardan súrinbeı ótken jáne talaı tar jol, taıǵaq keshýden aman qalǵan halyq. Sonyń bárinde bekem birlik pen yrys-yntymaǵymyzǵa taban tiredik. Qazir de dál solaı aýyzbirshilik tanytsaq, aýrýdyń ári qaraı asqynýyna jol bermeıtinimiz sózsiz.⁣⁣⠀

⁣⁣⠀

Sondyqtan árqaısymyz jaqyndarymyzǵa janashyrlyq tanytyp, mamandar anyqtap bergen talaptardy oryndaýǵa erekshe kóńil bóleıik! Ár azamatymyzdyń amandyǵy úshin birge kúreseıik!

Sońǵy jańalyqtar

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar