Elbasy • 13 Shilde, 2020

Elbasy indetten qaza bolǵandardyń týystary men jaqyndaryna kóńil aıtty

107 ret kórsetildi

Elbasy koronavırýs indetinen qaza bolǵandardyń týystary men jaqyndaryna kóńil aıtty. Bul týraly Elbasynyń Baspasóz qyzmetine silteme jasaı otyryp Egemen.kz habarlaıdy. 

Qurmetti qazaqstandyqtar!

 

Búginde Qazaqstan buryn-sońdy bolmaǵan kúrdeli ahýalmen betpe-bet kelip otyr. Qaýipti indet bizdiń qalalarymyz ben aýyldarymyzǵa tarap, ókinishke qaraı, adam shyǵyny oryn alyp jatyr.

 

Memleket basshysynyń sheshimimen 13 shilde koronavırýs indetinen qaıtys bolǵan azamattardy eske alý ­– Ulttyq aza tutý kúni bolyp jarııalandy.

 

Alapat dert bizdiń adamdarymyzdyń ómirin qıyp áketýde. Bul bárimizdiń qabyrǵamyzdy qaıystyryp otyr. Árbir kisi óliminiń artynda qara jamylǵan biraz adamnyń ­– ákeler men analardyń, qyzdarymyz ben uldarymyzdyń, dos-jarandarymyzdyń qaıǵy-qasireti tur.

 

Mezgilsiz qaza bolǵandardyń týǵan-týystary men jaqyndaryna qaıǵylaryna ortaqtasyp, kóńil aıtamyn.

 

Biz bereke-birlik pen tutastyqtyń arqasynda talaı synaqtan súrinbeı óttik. Bul qıyndyqty da el bolyp eńseremiz dep senemin.

Sońǵy jańalyqtar

Qaı elderge shyǵýǵa ruqsat berilgen?

Týrızm • Búgin, 06:13

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar