Qazaqstan • 13 Shilde, 2020

Alekseı Soı indetten qaza bolǵandardyń týystary men jaqyndaryna kóńil aıtty

25 ret kórsetildi

Koronavırýs pandemııasynyń qurbandaryn ulttyq aza tutý kúni densaýlyq saqtaý mınıstri Alekseı Soı osy indettiń saldarynan jaqyndarynan, týǵan-týys, baýyrlarynan, áriptesterinen aıyrylǵan elimizdiń barsha turǵyndaryna kóńil aıtty, - dep habarlaıdy Egemen.kz.

"Osy kúnderi meniń áriptesterim – dárigerler men medısına qyzmetkerleri ómirden ozdy, máńgilikke kóz jumdy, olar kútpegen qaýip-qatermen betpe-bet keldi, sońǵy demderi qalǵansha kúresti. Bul qaıǵyly jaǵdaı biz úshin orny tolmas qaza. Olar ómiriniń sońyna deıin dárigerlik boryshyn janqııarlyqpen atqardy. Bizdiń esimizde olar máńgi naǵyz batyr bolyp qalady", -dedi A. Soı.

Mınıstr bul indetti toqtatý úshin oǵan sebepker bolyp otyrǵan pandemııamen kúreste serpindi jáne tıimdi sharalar qajet ekenin atap ótti.

"Osy qaýip-qaterdi toqtatý úshin men jáne meniń áriptesterimiz táýlik boıy jumysymyzdy jalǵasatyrýdamyz", –dep málimdedi mınıstr.

Úkimet medısınalyq uıymdarǵa jáne dárihanalarǵa qajetti dári-dármekterdi jetkizý boıynsha shuǵyl sharalar qabyldaýda, qosymsha tósek oryndar uıymdastyrylýda, sheteldik sarapshylarmen birlesip koronavırýsty emdeý ádisteri jan-jaqty zerdelenýde jáne jetildirilýde. Ol sondaı-aq qazaqstandyqtardy qoldan keler kómekteri bolsa osy indetpen kúresýde belsendi atsalysýǵa shaqyrdy jáne eriktiler men belsendi azamattardyń mańyzdy rólin atap ótti.

"Biz birgemiz, biz panedmııamen jeńip shyǵý úshin barlyq kúsh-jigerimizdi jumyldyramyz. Biz bul qıyndyqty jumyla otyryp, jeńe alatynymyzǵa senimdimin", – dep elimizidiń bas dárigeri Alekseı Soı sózin túıindedi.

 

Sońǵy jańalyqtar

«Inter» – jartylaı fınalda!

Sport • Búgin, 02:50

Tashkent tragedııasy

Sport • Keshe

Uqsas jańalyqtar