Qazaqstan • 13 Shilde, 2020

Ár azamattyń ómiri qymbat - Júrsin Erman

39 ret kórsetildi

Búgin memleketimizdiń týy túsirilip, elimiz meshitterinde quran-qatym duǵasy oqylady. Jıilep ketken jamanat habardan qabyrǵamyz qaıysyp otyr. Qazaq halqy qanshama aıaýly azamatynan aıyryldy. El-jurtymyzǵa qaıǵyryp kóńil aıta otyryp, sabyrlyqqa shaqyramyz.

Jyl saıyn Almaty mańyndaǵy Jańalyq qorymyna baryp, 1937-1938 jyldary saıası qýǵyn-súrginge ushyraǵan  Sáken, Ilııas, Beıimbetteı tulǵalarymyzǵa taǵzym etip, quran oqyp, aza tutyp qaıtatyn edik. Búgingi Aza tutý kúni de sol kúnniń jalǵasyndaı bolyp turǵany qabyrǵamyzdy qaıystyrady. Baspasózde, áleýmettik jelilerdegi jantúrshigerlik qaraly habarlardy qaı-qaısymyz bolsaq ta beı-jaı qabyldaı almaı otyrǵanymyz anyq. Amal qansha. Birneshe jaqynynan aıyrylyp jatqan shańyraqtar bar. Alla qaıǵynyń artynyń qaıyryn bersin.

Bul halqymyz úshin qasiretti kún. Sýyt habar kelmese eken degen tilek barshamyzǵa ortaq. Elimiz úshin árbir azamattyń ómiri qymbat. Sondyqtan ózimizge-ózimiz bekem bolyp, irgemizdi bekitip, karantın talaptaryn qatań saqtap otyrýǵa tıispiz. Sanıtarlyq-gıgıenalyq talaptardy saqtaǵannan basqa amalymyz qalmady.

El Úkimeti de qarap qalmaı, qoldan kelgen sharalardy uıymdastyrýda. Ázirge  nátıjesi bolmaı tur.

 

Júrsin ERMAN,

Qazaqstannyń eńbek sińirgen qaıratkeri

Sońǵy jańalyqtar

Bas prokýratýra Damumed-ti tekseredi

Qazaqstan • Búgin, 17:15

Tumandy Albıondaǵy COVID-19

Koronavırýs • Búgin, 16:15

COVID-19: Túrkııadaǵy indetpen kúres

Koronavırýs • Búgin, 14:57

COVID-19: Latyn Amerıkasy lapyldap jatyr

Koronavırýs • Búgin, 14:14

Afrıkany kezgen COVID-19

Koronavırýs • Búgin, 13:36

Dollardyń búgingi baǵamy belgili boldy

Ekonomıka • Búgin, 12:15

Atyraýda karantın talaby ózgerdi

Aımaqtar • Búgin, 11:43

Uqsas jańalyqtar