Qazaqstan • 13 Shilde, 2020

Gen Lıpın: Týystary men jaqyndarynan aıyrylǵan qazaqstandyq dostarymnyń qaıǵysyna ortaqpyn

29 ret kórsetildi

13 shilde – bul tek qana qaıtys bolǵandardy eske alatyn Aza tutý kúni ǵana emes, sonymen birge tiriler úshin jubanysh bolyp tabylady. Bul –  adam ómirine degen qurmettiń kórinisi jáne sózsiz, adamdardyń epıdemııany jeńýine degen umtylysy men kúshin nyǵaıtady.

Sońǵy birneshe aı ishinde men Qazaqstan úkimeti men halqy koronovırýstyq indetke qarsy qandaı aýyr kúres júrgizgenin jáne bul úshin qanshama kúsh-jiger jumsaǵandaryna kýá boldym. Men qarapaıym adam retinde pandemııa kezinde týystary men jaqyndarynan aıyrylǵan qazaqstandyq dostarymnyń qaıǵysyna ortaqpyn. Osynyń bári maǵan osy jyldyń sáýir aıynda Sınmın merekesi kezinde ótken Qytaıdaǵy ulttyq aza tutý kúni týraly taǵy da eske salady. Men Almatydaǵy Qytaıdyń Bas konsýldyǵynyń atynan jáne jeke óz atymnan indetke qarsy kúreste qaza bolǵandar jáne aýrý qurbandary boıynsha qaıǵyǵa ortaqtasyp, olardyń otbasylaryna shyn júrekten kóńil aıtamyn.

Búgingi tańda búkil álemde 12 mıllıonnan astam adam koronavırýs juqtyrdy, 550 myńnan astam adam onyń qurbanyna aınaldy, álemdik ekonomıkanyń damýy úlken qıyndyqtarǵa tap boldy. Osynyń bári álemniń barlyq elderi úshin kúrdeli daǵdarys pen syn-qaterge aınaldy. Bul bizge vırýs eshqandaı shekarany bilmeıtinin, al pandemııa adamzattyń jalpyǵa ortaq jaýy bolyp tabylatynyn jáne álemniń barlyq elderiniń taǵdyry bir-birimen tyǵyz baılanysty ekenin eskertedi. Eshkim de shette qala almaıdy, jáne tek birikken kúsh-jiger men birlesken is-qımyldar barlyǵyúshin jaqsy jol bolyp tabylady.

«Birlik pen yntymaqtastyq – bul indetti jeńýdiń eń kúshti qarýy», – dedi QHR Tóraǵasy Sı Szınpın, al Qazaqstan prezıdenti Qasym-Jomart Toqaev: «Biz depressııa men apatııaǵa ushyraýǵa jol bermeýimiz kerek. Búginde biz birligimizdi burynǵydan da kóbirek kórsetýimiz qajet», – dep atap ótti.

Koronavırýs indeti bastalǵannan beri bizdiń elderimiz árqashan birge boldy, bir-birine qoldaý kórsetti, bir-birine kómektesti, shynaıy yntymaqtastyqta boldy, qıyndyqtarmen bólisti, naqty is-árekettermen Qytaı men Qazaqstan arasyndaǵy máńgilik jan-jaqty strategııalyq áriptestik qarym-qatynasynyń shynaıylyǵy men joǵary deńgeıin kórsetti, sonymen birge Qytaı men Qazaqstannyń birtutas taǵdyry qaýymdastyǵyn birlesip qurý jolynda umytylmas jáne baǵaly ortaq estelikterdi qaldyrdy.

Qarańǵy bulttar kúndi tuta almaıdy jáne bul ómirde ótip ketpeıtin eshqandaı apat joq! Endeshe senimimizdi odan saıyn arttyryp, birge kúsh-jiger salyp, qatarlas kúresýdi jalǵastyraıyq, adamzat tarıhyndaǵy osy qıyn-qystaý kezeńdi birge ótkereıik.

Gen Lıpın,

Qytaı Halyq Respýblıkasynyń Almatydaǵy Bas konsýly

Sońǵy jańalyqtar

Bas prokýratýra Damumed-ti tekseredi

Qazaqstan • Búgin, 17:15

Tumandy Albıondaǵy COVID-19

Koronavırýs • Búgin, 16:15

COVID-19: Túrkııadaǵy indetpen kúres

Koronavırýs • Búgin, 14:57

COVID-19: Latyn Amerıkasy lapyldap jatyr

Koronavırýs • Búgin, 14:14

Afrıkany kezgen COVID-19

Koronavırýs • Búgin, 13:36

Dollardyń búgingi baǵamy belgili boldy

Ekonomıka • Búgin, 12:15

Atyraýda karantın talaby ózgerdi

Aımaqtar • Búgin, 11:43

Uqsas jańalyqtar