Búgin respýblıka boıynsha, sondaı-aq, Qazaqstannyń sheteldegi dıplomatııalyq mıssııalarynyń ǵımarattarynda Memlekettik Tý tómen túsirildi. Aza tutý kúninde oıyn-saýyqtyq tele jáne radıo baǵdarlamalar kórsetilmeıdi, sol sııaqty sharalar da toqtatylady.
2020 jylǵy 13 shilde – Táýelsiz Qazaqstan tarıhynda toǵyzynshy ret belgilengen qaraly kún bolyp sanalady.
Búgingi kúnge oraı QMDB tóraǵasy, Bas múftı Naýryzbaı qajy Taǵanulynyń bastamasymen elimizdegi respýblıkalyq, oblystyq iri-iri meshitterde jáne medreselerde, qarılar daıarlaý ortalyqtarynda 100 (júz) Quran Hatym oqylýda.
Aıta keteıik, Qazaqstan aýmaǵynda koronavırýs juqtyrýdyń alǵashqy deregi 2020 jyldyń 13 naýryzynda tirkelgen bolatyn. Búginde resmı derek boıynsha elimizde 59 899 adam vırýs juqtyryp, 375 adam qaza tapty.
