Qoǵam • 13 Shilde, 2020

Ulyqbek Esdáýlet: Ár qazaq – Qazaqstan qazynasy!

315 ret kórsetildi

Kúlli álemdi quıyndaı jaıpap ótken kesirli, kesapatty kesel Qazaqstan halqyna aýyr tıdi. Juqpaly naýqasqa shaldyqqandar, kóz jumǵandar sany kúrt ósti. Kún saıyn túrli jamanat habardan jer selkildeıdi. Áleýmettik jelige kirýge qorqatyn boldyq. Kovıd pen pnevmonııa dese jurttyń júregi dirildeıdi. Beıne bir eshkimdi áskerge almaı-aq, sapqa turǵyzbaı-aq, qan maıdannyń qasabyna ushyratatyn, kózge kórinbeıtin qyrǵyn soǵys júrip jatqandaı.

Bul alapatqa qarsy turar kúshimiz álsiz bolyp shyqty. Asa qaýipti qatermen betpe-bet kelgen sátte burynǵy "Koronavırýs degen sheteldikterdiń ótirik sandyraǵy eken", "Karantın, Tótenshe jaǵdaı" degender jurtty mıtıngige shyǵarmaý úshin bıliktiń oılap tapqan amaly eken» degen qańqý sózderdiń kúli kókke ushty. "Bizde medısına myqty, dári de, dáriger de jetkilikti, aýrýhanalar saı tur" dep júrgen senimimiz sýǵa ketti. "Jasyrǵan keseldi ólim áshkereleıdi"degenniń keri keldi. "Jedel járdem" "óldim" deseń kelmeıdi. О́ıtkeni aýrýhanalarda oryn joq. Oryn tapqandarǵa dári-dármek pen ottegi ballondary jetispeıdi. Dárihanalarda kerekti dári joq, barynyń baǵasy ýdaı qymbat. Jurt, árkim ózinshe tal qarmaýǵa kóshti. Memleket basshysy Q.Toqaev jaǵdaıdy túzeýge Úkimetke eki apta mursat berdi. Prezıdenttiń koronavırýsqa qatysty jaqynda jarııalaǵan Úndeýinen keıingi tekseriste shetelderden kelgen gýmanıtarlyq kómekterdi, qasqaldaqtyń qanyndaı qat dárilerdi jurt esh jerden tappaı, teńselip júrgende, halyqtan jasyryp, qymtap ustap, qymqyryp satyp, qulqynyn oılaǵan qaskúnemder áshkerelendi. Bul - maltabarlyq emes, maroderlik qylmys!

Ár shańyraqty qaıǵynyń qara bulty torlap, ár bosaǵany ólim ańdyp júrgendeı. Alysyń da, jaqynyń da baqıǵa ketip jatyr. Ajal adam tańdamaıdy, eshkimniń basynan sıpap, músirkemeıdi. Qarapaıym halyqtyń qatarynda nebir jaqsy men jaısańdar, talanttylar men daryndylar da qaıtpas saparǵa attanýda. Keshe ǵana janymyzda júrgen jandardan qapyda aıyrylyp qalyp jatyrmyz. Alla panasyna alsyn! Topyraqtary torqa bolsyn!

Qasıetti Qazaqstan qasiretti kúnderdi basynan keshirýde.
Memleket basshysynyń pármenimen belgilengen Ulttyq aza tutý kúni búkil elimizde atap ótildi. Qarǵys atqyr koronavırýs derti mezgilsiz ómirin qıyp, aramyzdan julyp áketken ǵazız jandardy, jazyqsyz qurbandardy búkil elimiz bolyp tik turyp, bir mınýt eske alyp, kókke órlegen Týymyzdy túsirip, qara jamylyp, aza tuttyq, Quran, duǵa baǵyshtadyq. Bul - birinshiden, bizdiń arýaqtarǵaa kórsetilgen qurmet, taǵzymymyz bolsa, ekinshiden urpaqtarǵa tálim-tárbıe, ónegeli sabaq. "О́lgenge qurmet – tirige mindet" deıdi halqymyz.

Aıdyń, kúnniń amanynda indettiń qurbany bolǵan azamattardy eske alyp, Quran baǵyshtap, táýbemizge kelip jatyrmyz. Kelmeske ketkenderdiń áýletterine kóńil aıtýdamyz. "О́li rıza bolmaı tiri baıymaıdy". Tarıh talqysynda ne kórmegen halyqpyz?! "Aqtaban shubyryndyny" da, qyzyl qyrǵyndy da, aqsúıek ashtyqtyń da neshe atasyn, nazaly náýbetin kórgen Uly qazaq - tamyry taza, dińi myqty ultpyz! Bul qystalań kúnder de óter-keter. Salymyz sýǵa ketip, saǵymyz synbasyn! Árbir qazaq - Qazaqstannyń qazynasy, memleket baılyǵy! Qasymyzda júrgen ár adamǵa qazynany qoryǵandaı qamqorlyqpen qarap, kózimizdiń qarashyǵyndaı saqtaı bileıik. Ańdyp júrgen ajalǵa aldyrmaıyq, qurdan-qur aıyrylyp, qol qýsyryp qarap otyrmaıyq. Bir-birimizge qol ushyn berip, janashyrlyqpen jan saqtaıyq. Úmitpen ómir súreıik. Elimizdiń irgetasyn ustap turǵan birligimizdi qadirleıik. Ar-namysymyz aman bolsyn. Keleshekke degen senimnen aıyrylmaıyq! Aýyryp-syrqaǵandardyń tezirek saýyǵýyn tileıik! Saqtanyp júrińizder! Ǵumyrly bolyńyzdar!

Ulyqbek Esdáýlet,
Memlekettik syılyqtyń laýreaty

Sońǵy jańalyqtar

Bas prokýratýra Damumed-ti tekseredi

Qazaqstan • Búgin, 17:15

Tumandy Albıondaǵy COVID-19

Koronavırýs • Búgin, 16:15

COVID-19: Túrkııadaǵy indetpen kúres

Koronavırýs • Búgin, 14:57

COVID-19: Latyn Amerıkasy lapyldap jatyr

Koronavırýs • Búgin, 14:14

Afrıkany kezgen COVID-19

Koronavırýs • Búgin, 13:36

Dollardyń búgingi baǵamy belgili boldy

Ekonomıka • Búgin, 12:15

Atyraýda karantın talaby ózgerdi

Aımaqtar • Búgin, 11:43

Uqsas jańalyqtar