Aımaqtar • 13 Shilde, 2020

M.Áıtenov: "Qalada epıdemıologııalyq jaǵdaı qalypqa túse bastady"

62 ret kórsetildi

Shymkent qalasy ákimdiginde qaladaǵy epıdemıologııalyq jaǵdaıǵa baılanysty qurylǵan jedel shtabtyń kezekti otyrysy ótti. Májilis barysynda shtab músheleri qala basshysy Murat Áıtenovke óz baǵytynda atqaryp jatqan jumystaryn baıandady, dep habarlaıdy Egemen.kz.

Eń aldymen, Shymkent qalalyq Densaýlyq saqtaý basqarmasynyń basshysy Rýstam Albaev jáne Jedel medısınalyq járdem kórsetý stansııasy bas dárigeriniń orynbasary Sholpan Ospanova baıandama jasady. Rýstam Qýanyshbekuly indetke baılanysty tirkelgen statıstıkalar men júrgizilip jatqan em jóninde sóz qozǵasa, Sh.Ospanova jedel járdem qyzmeti boıynsha ahýal qalypqa túskenin jáne ózekti másele joq ekenin jetkizdi. Osy rette Murat Dúısenbekuly tıisti mamandarǵa bir kúnde 30 myń shaqyrtý qabyldaı alatyn dıspetcherlik ortalyqtyń ashylýyn tezdetýdi tapsyrdy. Sondaı-aq shtab otyrysynda búginde 323 IVL (ókpeni mehanıkalyq jeldetý apparaty) apparaty aldaǵy ýaqytta 475-ke jetkizý josparlanyp jatqany belgili boldy. Sonymen qatar qala aýmaǵynda barlyq 24 aýrýhanalarda bir kúnde 1200 kıslorodty ballon qajettiligi aıtyldy. Osyǵan oraı qazirgi tańda Shymkent qalasynda kıslorod óndiretin 5 mekememen kelisimshartqa turyp, kıslorodty ballondar barlyq aýrýhanalarǵa turaqty túrde jetkizilýde eken.

О́z kezeginde qala ákimi epıdemıologııalyq ahýaldy jaqsartý barysynda halyqqa qajetti dúnıelerdi iske asyrý barysyn tezdetý kerektigin qadap aıtty.

– Eki kúndep sheshim shyǵaratyn ýaqyt joq. Jumysty shuǵyl túrde naqty bir júıege qoıýýymyz kerek. Al aqparattardy ýaqytyly jetkizýimiz kerek. Bul júıe rettelip, endigi kezekte qala turǵyndary "Sovid-19 Shymkent" saıty arqyly búgingi jaǵdaıǵa baılanysty málimetterdi tolyq alyp otyrady, – dedi M.Dúısenbekuly. Oǵan qosa, qala ákimi tıisti mamandarǵa memlekettik kúndizgi stasıonarlarǵa bekitilgen arnaıy ereje taratylýyn tapsyrdy. "Iаǵnı, naýqastar emniń tegin ekenin bilýi kerek. Eger medısına qyzmetkeri em úshin dári-dármek surasa, "109" nómirine habarlasyp, quqyqtaryn qorǵaýǵa múmkindikteri bar", – dedi óz sózinde qala ákimi.

Shymkent qalasynyń bas sanıtarııalyq dárigeri Ábdimanap Tólebaev zalalsyzdandyrý jumystary qarqyndy túrde júrip jatqanyn jetkizip, arnaıy monıtorıngtik toptyń jumysy nátıjesinde qalada dárihanalardaǵy dárilerlerdiń baǵasy turaqtala bastaǵanyn alǵa tartty. Odan bólek, aıyppul salý jumysy kúsheıgenin tilge tıek etti. Iаǵnı, endi tutynýshylarǵa esepshot bermegen dárihanalar da ákimshilik jaýapqa tartylady.

Jıyn barysynda qaladaǵy dárilik zattar saqtaıtyn qoımalar men dárihanadaǵy dárilerdiń jetispeýshiligi búginde jaqsara túskeni aıtyldy. Bul máseleni sheshý jóninde shet elderden eń kerekti dári-dármekter alynǵan. Aıta keteıik, qazirgi tańda qaladaǵy dárihanalarda 11 893 – qyzý basatyn dári, 40 845 – antıkoagýlıanttar, 90 106 – bakterııaǵa qarsy terapııa, 81 175 – vırýsqa qarsy dári, 907 – askorbın qyshqyly jáne 87 148 jeke qorǵaný quraldary bar.

Shtab otyrysynda M.Áıtenov baıandamashylardy tyńdap bolǵan soń, ár salanyń basshylarynan túıtkildi máselelerin surap, ol máseleler lezde sheshiletinin jetkizdi. Sondaı-aq tıisti mamandarǵa jan saqtaý bólimindegi ahýaldy qalypqa keltirýdi tapsyryp, reanımasııadaǵy bos oryndar sanyn 60 paıyzǵa túsirý kerek ekenin aıtty. Al provızorly oryndar jetkiliktigin, qazirgi tańda olardyń 40 paıyzy bos ekenin alǵa tartty. Osy rette M.Dúısenbekuly Shymkent qalasy ákiminiń orynbasary Nursadyq Ergeshbekten jaqynda ashylǵaly otyrǵan provızorly ortalyq jaıynda surady. Orynbasardyń aıtýynsha, bes qabatty 1500 oryndyq provızorly oryn ashylady. 1-2 qabatta – 300 oryn, 3-4-5 qabatta 1200 oryn bolady. Medısınalyq kıslorodty ballondarmen tolyq qamtylady.

Jıyn sońynda qala basshysy qalada shekteý sharalary kúsheıip jáne epıdemıologııalyq ahýaldy jaqsartý maqsatynda atqarylyp jatqan aýqymdy jumystardyń nátıjesinde búginde jaǵdaı qalypqa túse bastaǵanyn jetkizdi. Degenmen bul jumystardy áli de kúsheıtý kerek ekenin aıtty.

Sońǵy jańalyqtar

COVID-19: Nemis jurty kúres ústinde

Koronavırýs • Búgin, 13:05

COVID-19: Meksıkada aýrý azaımaı tur

Koronavırýs • Búgin, 12:34

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Tulǵa týǵan topyraq

Qoǵam • Búgin, 06:39

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Alash balasyna ardaqty kún

Abaı • Búgin, 05:42

Qazaqtyń rýhanı qubylasy

Abaı • Búgin, 05:34

Uqsas jańalyqtar